#ممنوع من الصرف…
#شعر…شريف الهمامى
…………………………..
ولا عمر اسمك حيكون ممنوع من الصرف
ولا عمر غزلى فى قلبك حيكون ناقصله حرف
ياكل مااملك من حياه
يالل صورتك جوايا محفوره
يالل صوت آيات رقيك ليا محفوظه
وانتى بتقريلى قل اعوذ برب الفلق
يالل انتى هديه ربنا واجمل ماخلق
ببوس ايدك وانتى بتطبطبى
وانتى بتدعى ربنا وبتسجدى
ياامه… ماتسبنيش
دا انا الل من غيرك اموت
دا بيكى صراطى اعدى عليه وافوت
ياامــــــــه
اوعى فى يوم تسيبينى
دا انا الل متعلقه بيكى شرايينى
دا انتى عزوتى وكل سنينى
ولو فات عليكى كام عمر
عمرك فى يوم ماحتنسينى
ولو عطشنى الزمن ف يوم
عارف انك ماحتنسى تروينى….
