إسرقوا م العمر حياه
بقلم : #إخلاص_عبد_المحسن
إسرقوا م العمر حياه
قبل ما يسرق أحلى سنينكم
و ابنولكم جسر نجاه
تعبروا بيه شواطئ أحلامكم
إقروا كتاب عيشوا رحله جديده
زوروا أماكن مع أصحابكم
علمي إبنك حاجه جديده
علمي نفسك عيشوا شبابكم
إسرقوا م العمر حياه
قبل ما يسرق أحلى سنينكم
بطلوا تخلقوا مليون حجه
إعملوا كل اللي بتتمنوه
ده العمر بيخلص كده فجأه
فبلاش تتفاجئوا و تتخضوا
إسرقوا م العمر حياه
قبل ما يسرق أحلى سنينكم
لا تخافي من جاره و لا زميله
و انت انسى كلام الناس و ابدأ
خدوا خطوه و إيدك على إيدها
حتلاقوا الحلم بيتحقق
إسرقوا م العمر حياه
قبل ما يسرق أحلى سنينكم
