كتب: عبد المجيد عويس
من تكتيكات للزوجه .
1- متخافيش من الغضب نفسه , ابذلى قصارى جهدك انك تعرفى ايه الدافع الى ورا ’ حاله الغضب ’ الشديده الى بيدخل فيها زوجك . ليه بيغضب ؟ ايه المحفزات الى بتثير عنده حاله ’ الغضب ’ ؟ هل بيتخيل انه ’ الغضب ’ هو وسيلته للسيطره ؟ طب ايه فى كلامك او نقاشك او سلوك بيوصله وكانه تهديد ’ لسيطرته ’ حتى لو متقصديش دا ؟ افهمى الدوافع دى كويس جدا , حتى لو اضطريتى تقعدى معاه تمسكى ورقه وقلم وتسأليه مجموعه الاسئله دى علشان تعرفى ’ ايه الدافع الى خلاه يوصل انه يحل كل مشاكله ’ بالغضب ’ ؟
2- افهمى انه ’ الغضب ’ سلوك : يعنى ببساطه دى حاجه بقت اكتر من عاده فى شخصيته , وان دا سلوك اخد سنين معاه علشان يتطور بالطريقه وبالشكل دا . فمتتوقعيش انه ينتهى بسرعه .
3 – اسأليه السؤال دا ’ ايه الى بيجى فى خيالك قبل ما تنفجر فى الغضب ’ ؟ فى اللحظه الى ما قبل الغضب نفسه ايه الى بيحصل فى عقلك ؟ ايه الفكره الى بتيجى ؟ او حتى ايه المشهد الى بتسترجعه من الماضى او بتتخيله علشان يخليك تنفعل وتنفجر فى الغضب ؟
ادراكك للحظه دى مهم جدا لانه لو ادركتى النقطه دى كويس هتقدرى تعرفى |( فين سوء الفهم الى بيحصل ’ وبيحفز حاله الغضب عنده .
* ملحوظه لو زوجك اتربى فى اسره ’ منفعله ’ ومتوتره دايما . والغضب كان وسيلته انه يحصل على حقه فى البيت . يبقى وضحيله ان اسرتكو وانك مختلفه وانه طريقته فى معالجه المشاكل فى الماضى مش صحيه لمعالجه المشاكل للمستقبل .
4- اوعى اوعى تحاولى ’ تسيطرى ’ على غضبه , اوعى كمان توضحيله انه هدفك انه ’ يسيطر على غضبه ’ . لان دا مش هيعمل اى حاجه غير انه يزداد غضبا . لانه ’ محاولتك للسيطره على غضبه هو ’ هتبقى تحدى لسيطرته على نفسه . وبالتالى هتديله سبب انه يغضب اكتر .
بالعكس خلى كل هدفك ’ انك تفهمى ايه الدوافع الى بتخليه يغضب ؟ ’ وتعالجيها معاه وتحلوها مع بعض .
وضحيله انه مش هدفك تغيره لكن هدفهك ’ تفهميه ’ .
5- لو زوجك شخصيه صداميه , يبقى دى طبيعه شخصيته الفطريه الى فيه . وفى الحاله دى على عكس ما تتوقعى , سهل جدا انك تقللى من صداميته عن طريقه تكنيك لطيف اوى علمته لزوجات كتير بيستخدمه وكلهم نجح معاهم .
( مثلى الانفعال ) : يعنى ايه ’ امثل ’ الانفعال ؟ يعنى تمثلى انك غضبانه وتظهرى رد فعل مبالغ فيه بما لا يتناسب مع الموقف .
مثال : جوزك لسه هينفعل عليكى ويغضب ويدخل فى نوبه غضب او بالفعل غضب , كل الى عايزك تعمليه انك مره واحده وبصوت عالى وبانفعال ’ انت كل مره تعمل فيا كدا لييييييييييييييه ؟! ’’ فى اللحظه دى على عكس ما تتوقعى هتلاقيه هدى وانفعاله قل جدا على عكس المتوقع .
فى الحاله دى يبقى شخصيه صداميه ودا اسهل تكتيك تتعاملى معاه بيه .
* نصيحه على جنب : حاولى متتناقشيش معاه وقت ’ الجوع ’ ولتعقيدات هرمونيه وكيميائيه فى جسم الراجل مش صحى انك تنفعلى او تتناقشى معاه وقت جوعه خصوصا الجوع الشديد الى بيصاحبه اجهاد جسدى .
حضرى دايما ساندوتش دسم كدا بمجرد رجوعه من الشغل , ووجبه لطيفه دسمه وبعدين اتناقشى معاه فى اى موضوع حساس عايزه تتكلمى فيه .
تابع_عويس
#علاقات_صحيه
