بقلم بسمة عبد المنعم
وأدينا عايشين
في الحياه مكملين
الدنيا اصعب من الغابه
وملا حياتنا الأنين
وبتلف الدايره بينا
وبالسعاده مش حاسين
عايشين ومش عايشين
وبعيوننا مش شايفين
الكره في حياتنا عاده
وبالظلم متطبعين
العمر بيجري بينا
واحنا لسه مش عارفين
راحت فين ايامنا الحلوه ؟؟
هي فين اجمل سنين؟؟؟
فين الحب والحنيه؟؟؟
فين الناس الطيبين؟؟
راحت فين الإبتسامه
المرسومه علي الخدين؟؟؟؟
اقصد فين الضحكه الحلوه
اللي اخرتها دمعتين ؟؟
وفجأه نسكت ونقول ….
اللهم اجعله خير
حتي الرجوله والجدعنه
بقت مش اكتر من كلمتين !!!!
فين الأخلاق ؟
فين القيم ؟
طيب راح فين الدين ؟؟؟؟
بس السؤال اللي يحير
احنا هنوصل لحد فيين؟؟؟؟
وأدينا عايشين
