.
بريد القراء أعداد:هويدا صابر
كلمة الطلاق دي صعبه أوي لكن في أحيان كتير بتكون هي الحل ومعاها الفرج والخير ، لأن في الأول وفي الأخر الحياه الزوجيه موده ورحمه وسكن ، مفيش كل دا يبقي العيشه دي كلها أنانيه وأستهتار وهروب من المسؤليه ، ووقتها لزمتها أيه صوره وخلاص قدام الناس ، راعوا ربنا في بيوتكم دا غيركم بيمتني الحياه دي وبتمني ضفر عيل ، بس هنقول أيه.
دي مشكلة السائل م ال:
أنا متزوج من 33 سنوات وعندي طفل واحد ، أنا بعاني الأمرين من يوم ما أتجوزت ، مراتي علي طول طافشه بره البيت ، أرجع من شغلي ملقهاش ألاقيها عند الجاره دي أو الجاره دي ، فين الغدا أصلي ملحقتش ، الهدوم متغسلتش ليه يا بنت الحلال ترد بقولك أيه أهو كده وخلاص وبعدين أنا نازله عند أمي وهبات أسبوع ، والأسبوع يبقي شهر وأتنين ، أرجعها البيت هو أسبوع بالعافيه ونصه مع الجيران وترجع تروح بيت أبوها ، الغريبه بقي ترجع البيت في لمح البصر لو في مناسبه عشان تنزل معايه ونروح سوا وقدام الناس جوزي حبيبي روح قلبي ولو فرح تقوم جري علي البوفيه وتجيبلي طبق الأكل ، نروح البيت تدخل تنام في الأوضه التانيه والصبح أنزل الشغل أرجع ألاقيها راحت بيت أهلها ، وعلي طول أنا مش طايقه البيت ومخنوقه ، أتكلمت مع أبوها وأخوها الكبير قولتلهم يرضيكم كده انا متبهدل وأنتوا عارفين أن والدتي متوفيه أنا عايش زي العازب طيب أتجوزت ليه
يردوا أحنا بنتكلم معاها والله بس زهقانه من قعدتها لوحدها أستحملها بكره ربنا يهديها ، أقولهم فين قاعده لوحدها أنا برجع من شغلي 4 العصر وجمعه وسبت أجازه ، وبعدها أبوها قالي أنتوا أتنين متجوزين أيه أللي يدخلنا بينكم أتصافوا أنتوا سوا ، جيبتها وقعدت معاها وسألتها هو أنا مقصر معاكي في حاجه أنا بعاملك بطريقه وحشه تقولي لأ ، أقولها أمال في أيه تقولي أبدا أصل انا بحس بزهق وأنت لازم تستحملني قولتلها زهق بقاله 3 سنين مبيخلصش أمال قبل الخطوبه مكونتيش بتسبيني لحظه واحده وتطمني عليه كل ربع ساعه أيه أللي غيرك ، أنا منكرش أني شكيت فيها أخواتي البنات أللي بكون عند كل واحده فيهم شويه تغسلي هدومي وتشوف طلباتي لأني بصعب عليهم قالولي أستغفر ربنا هي زي بنات كتير قبل الجواز تهتم وتظهر أحلي معندها عشان تتجوز وخلاص وبعد الجواز بتتعامل بطبيعتها المهم قدام الناس أتجوزت ، وأنا من البيت للشغل مفيش غير صاحب واحد بقابله مره في الأسبوع أو مرتين بالكتير ، والجديد في أيام أجازاتي تبعتلي أبني مع أبوها أو أخوها ، أنا مش زوج أنا ديكور قدام الناس تتمنظر بيه لكن حقوق زوج مفيش ، وقبل كده مرتين أمشي في أجراءات الطلاق ، تعيط وتنهار وأبوها وأخوها يظهروا أبنكم يتربي بعيد عنكم أزاي وترجع البيت وأقسم بالله متزيدش عن الأسبوع بردوا تحضر الغدا 3 أيام والباقي تطلبه جاهز ، ولاتنضف شقه ولا تغسل هدومي ولا هدوم أبنها لدرجة أنها في مره بتدور علي هدوم لأبنها مش لاقيه الهدوم كلها في الغسيل مش نضيفه راحت مطلعه طقم منهم ريحته بشعه من كتر ماهو مركون وبتلبسه ليه ، أنا وقتها كنت جبت أخري خلاص قولتلها أدخلي ألبسي هدومك ووصلتها عند أبوها وقولتله بنتك طالق بالتلاته وخليها عندك وأخدت أبني وديته عند واحده من أخواتي البنات ولافرق معاها ، كل يوم تكلمني غيرت الرقم ، وأخواتي شايفين انا دا الصح ومرجعهاش تاني علي ذمتي وأنا بصراحه مقنع ، وكنت عايز رأي غيرنا يأكدلي أني علي حق ومش ظالم عشان هي وأهلها شايفين أني ظلمتها وجيت عليها..
يردوا أحنا بنتكلم معاها والله بس زهقانه من قعدتها لوحدها أستحملها بكره ربنا يهديها ، أقولهم فين قاعده لوحدها أنا برجع من شغلي 4 العصر وجمعه وسبت أجازه ، وبعدها أبوها قالي أنتوا أتنين متجوزين أيه أللي يدخلنا بينكم أتصافوا أنتوا سوا ، جيبتها وقعدت معاها وسألتها هو أنا مقصر معاكي في حاجه أنا بعاملك بطريقه وحشه تقولي لأ ، أقولها أمال في أيه تقولي أبدا أصل انا بحس بزهق وأنت لازم تستحملني قولتلها زهق بقاله 3 سنين مبيخلصش أمال قبل الخطوبه مكونتيش بتسبيني لحظه واحده وتطمني عليه كل ربع ساعه أيه أللي غيرك ، أنا منكرش أني شكيت فيها أخواتي البنات أللي بكون عند كل واحده فيهم شويه تغسلي هدومي وتشوف طلباتي لأني بصعب عليهم قالولي أستغفر ربنا هي زي بنات كتير قبل الجواز تهتم وتظهر أحلي معندها عشان تتجوز وخلاص وبعد الجواز بتتعامل بطبيعتها المهم قدام الناس أتجوزت ، وأنا من البيت للشغل مفيش غير صاحب واحد بقابله مره في الأسبوع أو مرتين بالكتير ، والجديد في أيام أجازاتي تبعتلي أبني مع أبوها أو أخوها ، أنا مش زوج أنا ديكور قدام الناس تتمنظر بيه لكن حقوق زوج مفيش ، وقبل كده مرتين أمشي في أجراءات الطلاق ، تعيط وتنهار وأبوها وأخوها يظهروا أبنكم يتربي بعيد عنكم أزاي وترجع البيت وأقسم بالله متزيدش عن الأسبوع بردوا تحضر الغدا 3 أيام والباقي تطلبه جاهز ، ولاتنضف شقه ولا تغسل هدومي ولا هدوم أبنها لدرجة أنها في مره بتدور علي هدوم لأبنها مش لاقيه الهدوم كلها في الغسيل مش نضيفه راحت مطلعه طقم منهم ريحته بشعه من كتر ماهو مركون وبتلبسه ليه ، أنا وقتها كنت جبت أخري خلاص قولتلها أدخلي ألبسي هدومك ووصلتها عند أبوها وقولتله بنتك طالق بالتلاته وخليها عندك وأخدت أبني وديته عند واحده من أخواتي البنات ولافرق معاها ، كل يوم تكلمني غيرت الرقم ، وأخواتي شايفين انا دا الصح ومرجعهاش تاني علي ذمتي وأنا بصراحه مقنع ، وكنت عايز رأي غيرنا يأكدلي أني علي حق ومش ظالم عشان هي وأهلها شايفين أني ظلمتها وجيت عليها..
السائل الكريم:
أنت علي حق ومش ظالم هي أللي ظلمتك بأنانيتها وأستهتارها وتقصيرها معاك ، وكل مخطأ مادام أتلفت نظره لخطأه مره وأتنين وتلاته ميلومش ألا نفسه في الأخر ، ماهي الحياه بضغوطها مش هنقضيها أنت غلطان أنا أسف وتكون زي الأسطوانه بتتكرر علي غلط واحد صاحبه مصمم عليه ، مراتك في منها كتير للأسف تظهر كل جميل والأهتمام المبالغ فيه قبل الجواز وبعد الجواز أبسط حقوق الزوج متعملهاش المهم عريس لحقته وأتقرت فتحتي ونزلتها علي الفيس والخطوبه أتصورنا بالدبل ونزلتها علي الفيس وغيظت فلانه وعلانه وهكذا ، وشويه الناس أللي حسدينا بلاش تركزوا معانا ودا بيكون أسلوب أغلب البنات أللي من نوعية زوجتك ، وبعد الجواز لا تلاقي رحمه ولا موده ولا سكن بتجمع بينكم ، أللي بيجمع بينكم المناسبات زي الأفراح أو أعياد الميلاد أو الأعياد الرسميه ، عشان الواجهه الأجتماعيه ومحدش يشمت فيها أيه دا لوحدها ليه جوزها فين ، دي مش فارق معاها زوج وأهلها ملهومش كلمه عليها ، وهجراك وهاجره بيتها بأستمرار وزاد عليك أنها بقت تسيب أبنها ليك في الأجازات وكأنها بتلهيك بيه عشان متعرفش تشم نفسك في الأجازه وتفكر في واحده تانيه أما باقي الأسبوع فلا تمام ترجع من شغلك مش عارف هتغسل هدومك ولا هتنضف ولا هتاكل وفي الأخر تلم كل حاجه وتروح عند واحده من أخواتك
يبقي متجوز ليه ، الزوجه لما تكون ملتزمه وفجأه تقصر مع زوجها وفي بيتها بنشوف مريضه ولا عندها مشكله ولا أبتدت تكون مهمله ولازم نعرف اهمالها دا سببه أيه ونحاول نساعدها وبنديها عذرها ونصبر عليها مافي حاجات بتكون خارج أرادة الأنسان أحيانا ، وفي حاجات لا بتكون نتيجة أستهتاره ، لكن زوجتك مفيش مكبره دماغها ومهمله ومستهتره من بداية الجواز وكأنه اهمال من سبق الأصرار والترصد ، قرارك صح وأديها حقوقها ومفيش داعي للندم وربنا يعوضك بالخير وبأللي تراعي ربنا فيك وفي أبنك لأنه من الواضح أنه هيتربي معاك ودا الأفضل وياريت تكون رحيم معاه وتحتضنه وفي حالة جوازك للمره التانيه ميكونش في تقصير منك معاه ، وزوجتك الجديده لو متعاملتش معاه برأفه وبصبر يبقي لاتصلح هي كمان أحنا بنشوف مهازل في أيامنا دي للأسف ، أستعين بربنا وأتوكل عليه وربنا يصلح لكم الأحوال.
أنت علي حق ومش ظالم هي أللي ظلمتك بأنانيتها وأستهتارها وتقصيرها معاك ، وكل مخطأ مادام أتلفت نظره لخطأه مره وأتنين وتلاته ميلومش ألا نفسه في الأخر ، ماهي الحياه بضغوطها مش هنقضيها أنت غلطان أنا أسف وتكون زي الأسطوانه بتتكرر علي غلط واحد صاحبه مصمم عليه ، مراتك في منها كتير للأسف تظهر كل جميل والأهتمام المبالغ فيه قبل الجواز وبعد الجواز أبسط حقوق الزوج متعملهاش المهم عريس لحقته وأتقرت فتحتي ونزلتها علي الفيس والخطوبه أتصورنا بالدبل ونزلتها علي الفيس وغيظت فلانه وعلانه وهكذا ، وشويه الناس أللي حسدينا بلاش تركزوا معانا ودا بيكون أسلوب أغلب البنات أللي من نوعية زوجتك ، وبعد الجواز لا تلاقي رحمه ولا موده ولا سكن بتجمع بينكم ، أللي بيجمع بينكم المناسبات زي الأفراح أو أعياد الميلاد أو الأعياد الرسميه ، عشان الواجهه الأجتماعيه ومحدش يشمت فيها أيه دا لوحدها ليه جوزها فين ، دي مش فارق معاها زوج وأهلها ملهومش كلمه عليها ، وهجراك وهاجره بيتها بأستمرار وزاد عليك أنها بقت تسيب أبنها ليك في الأجازات وكأنها بتلهيك بيه عشان متعرفش تشم نفسك في الأجازه وتفكر في واحده تانيه أما باقي الأسبوع فلا تمام ترجع من شغلك مش عارف هتغسل هدومك ولا هتنضف ولا هتاكل وفي الأخر تلم كل حاجه وتروح عند واحده من أخواتك
يبقي متجوز ليه ، الزوجه لما تكون ملتزمه وفجأه تقصر مع زوجها وفي بيتها بنشوف مريضه ولا عندها مشكله ولا أبتدت تكون مهمله ولازم نعرف اهمالها دا سببه أيه ونحاول نساعدها وبنديها عذرها ونصبر عليها مافي حاجات بتكون خارج أرادة الأنسان أحيانا ، وفي حاجات لا بتكون نتيجة أستهتاره ، لكن زوجتك مفيش مكبره دماغها ومهمله ومستهتره من بداية الجواز وكأنه اهمال من سبق الأصرار والترصد ، قرارك صح وأديها حقوقها ومفيش داعي للندم وربنا يعوضك بالخير وبأللي تراعي ربنا فيك وفي أبنك لأنه من الواضح أنه هيتربي معاك ودا الأفضل وياريت تكون رحيم معاه وتحتضنه وفي حالة جوازك للمره التانيه ميكونش في تقصير منك معاه ، وزوجتك الجديده لو متعاملتش معاه برأفه وبصبر يبقي لاتصلح هي كمان أحنا بنشوف مهازل في أيامنا دي للأسف ، أستعين بربنا وأتوكل عليه وربنا يصلح لكم الأحوال.
