ست الحسن والجمال .. 

بقلم الكاتب الساخر: مصطفي القمري

ست الحسن والجمال .. 

• ليلى مراد : ايوة ياقمرى .. يعنى بعد العمر ده كله تسيبنى وتسافر ؟اخس عليك ؟ 

• القمرى: انت لسة بتحبى انور وجدى ياليلى .. بلاش تضحكى علية وعلى نفسك

• ليلى مراد:حرام عليك .. بلاش تظلمنى .. دنا بقالى سنتين 

• القمرى: سنتين ايه ياليلى .. مش فاهم 

• ليلى: سنتين وانا احايل فيك ودموع العين تناد يك .. ياسبب تعذيبي ..والاسم حبيبي

• القمرى : مش مصدقك .. احلفى

• ليلى: احلفلك بدمع العين .. ولا لكش علي يمين ان فاتت علي سنين .. حاافتكرك ولا انساك ريداك والنبي رايداك .. 

• القمرى: كل ماسال عليكى حد يقولى انك لسة بتحبى انور وجدى ..طب انا بسالك انت بتحبينى فعلا؟ جاوبى بصراحة 

• ليلى: تسألني صحيح حبيت .. لا جاوبتك ولا خبيت ..ياريت الكلام ياريت .. وفاني وباح بهواك ..ريداك والنبي رايداك

• القمرى: انا كمان بحبك .. بس حكاية انور وجدى دى تعبانى نفسيا ..

• ليلى : اتحمل سنه واثنين والوحده عذاب وهوان فين حبك وشوقك فين ..فين عطفك عليه زمان .. يا سبب تعذيبي..والاسم حبيبي

• القمرى: حاولى تنسينى ياليلى ..احنا مش لبعض .. 

• ليلى: يا ناسي عهود قلبين وغرامك كأنه ما كان دا جمالك بعيد ع العين وخيالك في كل مكان

• القمرى: سيبينى اسافر ..انا رايح مرسى مطروح .. ومش عارف هرجع امتى

• ليلى : احكيلو ياموج مطروح ..ع القلب اللي بات مجروح ..من فرقة حبيب الروح .. روح قولو دا قلبي معاك .. 

• القمرى: ايوة مسافر

• ليلى: ده اخر كلام عندك؟

• القمرى: سامحينى

• ليلى: يا ناسي عهود قلبين وغرامك كأنه ما كان لو تنسى خصامك يوم.. يوم واحد من الأيام وتصالح علية النوم وتفوتني مع الاحلام ..يا سبب تعذيبي .. والاسم حبيبى 

• القمرى: اشوفك على خير