كم من فنان عظيم احب ام كلثوم وكم من قلوب هامت حولها

بقلم الكاتب الساخر: مصطفي القمري

كم من فنان عظيم احب ام كلثوم وكم من قلوب هامت حولها .. فماذا عن ام كلثوم عندما يلمس الحب قلبها ..

• ام كلثوم : انا في انتظارك خليت ناري في ضلوعي وحطيت ايدي على خدي وعديت بالثانية غيابك ولا جيت ياريتنى عمرى ماحبيت !!

• القمرى :وتندمى ليه يااجمل مافى الكون .. داانت اللى علمتينا ازاى نحب 

• ام كلثوم : عايزه اعرف لا تكون غضبان أو شاغل قلبك انسان 

• القمرى: مفيش حد ع البال غيرك ياحبيبة الروح .. 

• ام كلثوم : توعدني بسنين وايام وتجيني بحجج وكلام وتسلم وتمر قوام او تخلف وتقول لي نسيت

• القمرى: برضه سامحينى .. الغايب حجته معاه 

• ام كلثوم : خليتني من يأسي أقول الغيبة دي غيبة على طول واتقلب على جمر النار واتشرد ويا الأفكار النسمة أحسبها خطاك والهمسة أحسبها لقاك

• القمرى: تسلمى .. بس وحياة اللي فات واللي أصبح ذكريات عمري ما حبيت ولا اتمنيت غيرك انت ياثومة.بس تفتكرى مين سبب فراقنا ؟

• ام كلثوم : اسال روحك اسال قلبك 

• القمرى : لا ياثومة انت اللى اتغيرتى 

• ام كلثوم : انا غيرنى عذابى فى حبك لكن انت غيرك ايه ؟

• القمرى : طب والنبى سماح .. سماح بقة 

• ام كلثوم :انا ياحبيبى صحيح باتسامح الا فى عزة نفسى وحبى واما يفيض بى مابعرف اصالح واعرف اجى كتير على قلبى 

• القمرى: بلاش تكبرى الموضوع ؟ انا عمرى ماقدر اغدر بيكى ياثومة داانت حبيبتى

• ام كلثوم : غدرك بية اثر فيه .. اتغيرت شوية شوية واتغيرت ومش بادية 

• القمرى: انت وصلت لحالة صعبة ياثومة ؟ والنبى بلاش تاخدى على خاطرك 

• ام كلثوم :وصلتنى للحال ده بأيديك بعد ما كانت روحى فى ايديك

• القمرى: انسى بقة ..انا عازمك على فنجان قهوة ممكن؟

• ام كلثوم : مفيش فايدة .. هفضل احبك من غير مااقولك ايه اللى غير افكارى لحد قلبك مايوم يدلك على هوايا المدارى .. يالا بينا .. بس تكون القهوة ع الريحة