“تحليل شخصية المريض النفسي”

كتبت الخالة وداد:

امبارح ياولادي لما حكينا عن حلقة امبارح بتاعه معتز الدمرداش وقلنا وحللنا وقتها ان البنت الي طلعت معاه مختلة عقليا وعندها اضطراب نفسي وعقلي وده كان باين جدا في كلامها وسقطاتها وحركاتها ومحاولاتها في الافلات ومراوغة الي قدامها وقلنا كمان ان والدتها واخوها هما الي صح وده كان باين من الكلام والحرقة والثقة القوية في الحوار وقلنا ان البنت دي مدعية وكدابة طيب ما تيجو بقي نحلل كده من زماااااان…

لو فتشنا في حياة البنت دي وهنلاقي زيها كتير اوي يحابيبي من البنات الي اتقهروا في التربية والي كانت معتمده علي الخوف من المجتمع وكلام الناس وده كان واضح من خوف الام والاخ الشديد لما كرروا كلمة فضيحة ومتبرين منها وكلام تاني.كمان هنلاقي البنت دي زي اي بنت تانية اتربت علي التزمت والكبت والكبت في التحليل النفسي يحابيبي الحلوين بيرجع كل امر للطفولة والواضح ان البنت دي علاقتها بربنا ضعيفة جدا لانها كررت كتييير اوي ربنا وهيسامح وهيعفو والتردد الي كان في حديثها بيدل علي عدم ثقتها في الكلام الي بتقوله وضحكها المستمر بتحاول تراوغ الي اقدمها

وممكن جدا تكون بتصطنع المرض النفسي لكسب العطف لان الانسان لما بيتعرض لصدمة ما عشان يهرب منها ويحاول كسب عطف الناس ليه فبيدأ في عمل حاجة اسمها حيل الدفاع النفسي….غلط الام زي كتييير من الامهات المتمثل في الشدة والخوف من الناس الامر الي بيخلي طبيعة العلاقة بين الام والبنت عسكري ومتهم كلها اوامر واتهامات مفيهاش محبة وقرب فلو الام مثلا قدرت تفهمها ودخلتلها من باب الحب وربنا مش من باب الحرام والعيب والناس ممكن كانت البنت دي تبقي شئ تاني.

اذن الغلط واقع علي جميع الاطراف ..عشان كده بقول بناتي حبايبي قربوا من بناتكم بالحب ويكون دستوركم حب الله مش الخوف من ناره وعذابه وكلا الناس وبلاش كبت بلاش كبت بلاش كبت لانه عواقبه بتيجي بالعكس.اما البنت الي بتخدها حجة ان امها بعيدة عنها فدي بعيده عن ربنا وانصحها بالرجوع اليه لان واضح انها عارفه ان في رب وفي حساب وادعائها علي والدتها ده عمليه اسقاط وتفريغ البنت من كتر ما اتكبتت وهي صغيره بقت بتدعي وتطلع في امها اي شئ ولو بالباطل فقط لللانتقام او الاذلال وكانها بتقولها انتي خفتي زمان من الناس لافضحكم اديني بفضحطم دلوقتي!!!!!

.