بقلم/سمية مجدي
هل هنقدر نقولها في وش اهلنا لو اتقدم حد كويس وميترفضش؟هل هنقدر نستمر ونقولها مهما مر بينا العمر؟هل هنقدر نستحمل غياب الحب والاهتمام لفتره طويله؟هل هنعيش حياتنا وندرس ونشتغل وننجح من غير جواز في الوقت الحالي؟هل المجتمع هيسيبنا فى حالنا ومش هيقول دا اكيد شيفالك شوفه؟هل هتستحملي كلمة”عانس”بعج العمر مايجري بيكي ومتلقيش حد جمبك يهتم بيكي؟هل رغبتك إنك مش عايزه جواز دي هتقدر تخلي فرحتك كامله؟بس بردو هل نتجوز أى حد والسلام لمجرد كلام الناس ولا مزعلش أهلي وأجي عل حساب نفسي؟هل أتجوز وأخلف وأنسى طموحاتي وأحلامي وشغلي وهدفي علشان واحد أبقى ليه خدامه يتحكم فيا ويمحي شخصيتي؟هل فعلا هنقدر نحقق الاكتفاء الذاتي لينا؟ولا بردو نرجع ونقول أن الست عامله زي الورده لو مسقيتهاش تدبل وتموت كمان الست لو محدش اهتم بيها هتكبر قبل أوانها وتحس أن فيه حاجه ناقصه،طب ليه ما أعيش حياتي زى ما أنا عاوزه أحقق حلمي وهدفي وأسعى ليه وأخرج واضحك من غير جواز ومسؤوليه وهم،هنقدر نتحمل كلام الناس وأولهم قريبك واصحابك ،هنقدر نعيش ومحدش يهتم بينا ونتحب ونحب،هل هنقدر نوازن بين رأي العقل ورأي القلب؟؟؟؟؟؟
