كتب/ هاني بشاي
ابانوب تاوضروس شاب لدية موهبة كتابة الاشعار العامية والفصحه والقصائد وكتابة الاغاني
ابانوب شاب من مواليد 1991 ويهوي الكتابة منذ الصغر ولدية الكثير من الكتابات التي عندما ينصها يلتفت الية الجميع باذان صاغية ومن هذه الكتابات قصيدة (ايوه انتي)
ياللي نظره منك توديني السما
وانا لسا علي الارض
ياللي عشقك في قلبي
مبقاش اختياري واصبح فرض
نزعتي من حياتي الانين
وبدلتي الشوك وزرعتي ورد
انتي اللي صونتي العهد
وحبيتي بجد
وكنتي بلاقيكي
في وقت ما ظروفي عليا تشد
انتي اللي كنتي سند
لما ايامي كانت فيا بتهد
انتي غنيوه صوفيه
ودعوة متعبد في دار عباده
انتي لونتي حياتي
بعد ما كانت اسود ساده
ايوه انتي
كنتي في وقت غرقي
نجايا و سفينتي
انتي اللي معايا
عمرك يوم ما خنتي
انتي اللي كنتي
وانتي بردوا المستقبل
انتي العشق
ولغيرك عمري ما اقبل
انتي شعاع النور
اللي بيشرق في عز الليل
جبرتي الحلم المكسور
وصبحتي في عز توهتي دليل
وفي برد الشتا
كنتي صهيل
انتي اللي شفيتي القلب العليل
وصبحتي ليه ترياق ودوا
انتي اللي لاقيت معاكي حياتي
بعد ما كانت اشه في هوا
قبلك كنت عطشان ليالي
ياللي في عشقك قلبي ارتوي
مسحتي سواد الذكريات
ورسمتي لوحتي الجديده
نستيني اوام اللي فات
خرجتيني في عز السكات
دوقتيني طعم الحاجات
اللي كنت خلاص نسيتها
اسمعيني
ياللي بقدم ليكي سنيني
وليكي كل حبي وحنيني
ياللي بدلتي انيني
بفرح
عقلي فيكي ياما سرح
دويتي شروخ قلبي
اللي علي ايد غيرك ياما انجرح
وبعد عذاب سنين
معاكي داق طعم الفرح
