كتبت أمنيه هاني
نفسي نبطل الموضوع دا نفسي نبطل كلمة عادات وتقاليد، يعني اللي عاوزين نعمله نعمله مدام مش حرام و اللي المفروض نعمله عشانه عادة بس مش كويسه او حرام نبطلها، مش هيقولوا قلة اصل مننا ولا حاجه الموضوع ببساطه اننا بنحمل علي نفسنا ونتعبها اكتر من اللازم لمجرد التزام بعاده لا صله لها باي من الاديان السماوية، مثال مينفعش نعمل كذا الناس تقول ايه،مينفعش اخرج اصل شكلي قدام الناس، مش فاهمه طالما انت مقتنعه انه اللي بتعمليه صح ومقبول وغير محمرم انطلقي او انطلق.
اطلق عليها عاهات لانها مليئه بالعيوب.
لازم نلبس اسود سنه عشان حد مات
مينفعش نضحك او نحضر فرح اصل جارنا مات
مينفعش اشتري لبس جديد اصل امي لسه متوفيه
والحاجة اللي مش بفهمها اصلا مينفعش نسافر كام يوم اصل مثلا بابا توفي من كام شهر طب مش فاهمه مانموت كلنا اريح ليه بنكلكع الدنيا كده وقيسوا بقي علي موضوع الموت اشياء عده ، حد عيان ماينفعش نعمل حاجه حلوه في البيت.
مين حدد ينفع ومش ينفع مدام مش حرام ولا مرفوض اجتماعيا بردو لاننا نعيش وسط مجتمع وناس ولكن لا نصعب الاشياء وكل يفعل ما يروق له طالما لم يضر احد.
خففوا وهونوا علي انفسكم فالحياه مليئه بالضغوط.
اعمل الصح
