بقلم الخالة وداد
كل شوية اسمع ان في حد مزعل بناتي الغاليين..تبقي البنت منهم في حالها وتروح فرح حد مقرب ليها وفي لحظة انسجام عينيها ترغرغ من الفرحة يقوم المتاعيس الي حواليها يقولولها معلش ربنا يعوض عليك!!!!
او تبقي لسه متجوزتش فتدمع عشان صاحبتها ولا اختها اتجوزت وعاشت فرحتها يقوموا هما نفس المتاعيس يقولولها يعيني ربنا يكرمك بالزوج الصالح يابنتي!!!!!
وقيس علي كده بقي لو كانت مطلقة او ارملة …
يعني مخ الناس دي ايه ياخواتي!!!
مديونه اجازة ومركبين مكانه صحرا ليه كده؟؟؟
ماتسيبو كل واحد يعيش انفعاله بطريقته .حياته هو اري يظبطها مالكم انتو ومال دموعه!
وانت ياخويا انت وهي ميهمكوش كلام حد عيش انفعالك الي حاسس بيه مش الي بتمثل وتأفور بيه .عيش مشاعرك الي حاسسها وبلاش تسمع للناس العقيمة والدخيلة
