أحمد عثمان توفيق
ياوطن
كام من ولادَك
كل يوم بينقتل
كام مره نصحي
على خبر شهيد جديد
رايح يقابل صحُبِته
ويقول لهم
عاش الوطن بدمي أرضه بتتروي
أم بتزغرد تغني للشهيد
والف أيد تلفه في العَلمْ
والف كتف يشيل تابوت
فيه البطل
ونغني تاني للوطن
ونغني تاني للبطل
ونجمع ولادنا نقولهم
شفتوا البطل
شفتوا اللي علشاننا اتقتل
حطوه قصاد عنيكم وافهموا
أنه دفع دمه مهر لوطننا كلنا
والدور حييجي عندنا
مستعدين
تضحوا زيهم
وتدفعوا حياتكم زيهم
مهر لوطننا كلنا
مدير قسم الادب والشعر
علا السنجري
