بقلم /سمية مجدي
الله كريم لما ياخد منك حاجه انت هتموت عليها بس مش معنى كده أنه مش بيحبك حاشالله بس هو بيديك اللى ينفع مش اللى انت بتحبه،زي الدكتور ولله المثل الأعلى لما بيديك الدوا اللى يطيبك وينفعك مش اللي أنت بتحبه.
الله كريم لما تفقد شغل كان بالنسبه ليك مصدرك الوحيد بس اكيد ربنا هيعوضك بشغل في مكان أحسن واكيد هترتاح فيه.
الله كريم لما تكون مدايق من طلبات زوجتك وولادك ومسؤوليتهم اكيد انت احسن من غيرك اللى لحد دلوقتي عدى 30ومش عارف يتجوز.
الله كريم لما تكوني حامل وتفقدي الجنين وزعلتي اتاكدي أن ربنا ليه حكمه في كده وإن غيرك معندوش صفر في الميه علشان بس يحصل على طفل.
الله كريم لما ابنك يفقد فلوس ولا يتصاب بس عايش بس اكيد ربنا فداه بده علشان يكون موجود معاكي ،في أمهات هتموت وتشوف ولادها المتوفين ولو للحظه .
الله كريم لما حبيبك سابك وجرحك لكن الأكيد أن ربنا هيعوضك بالاحسن اللى ترتاحي معاه.
الله كريم لما يكون عندك أب وأم تعبانين وأنت مدايق من تعبهم ونفسك تعمل أى حاجة علشان تشوفهم كويسين بس غيرك معندهوش أم ولا أب والحياة من غيرهم متساويش حاجه.
ربنا لما بياخد مننا حاجه أكيد بيعوضنا باللى احسن منها دايما قول الحمد لله في السراء قبل الضراء.
الله كريم…………………
