سماسرة الموت وطريق الا عودة

بقلم الكاتبة: مها نور

هجرة غير شرعية ، تجارة اعضاء ، صنع جيل جديد من الدواعش 

اسئلة كثيرة سئلتها لنفسي ودارت بداخل عقلي بعد اختفاء مجموعة من الاطفال لا يتعدو الثلاثة عشر سنة من مركز اجا المنصورة الكل يجمع علي انها هجرة غير شرعية لكن عقلي مش لا يستطيع أن يصدق 

البدايه اطفال في عمرالزهور من أسرميسورة الحال وأسر اخري متوسطة الحال عايشين حياتهم الطبيعيه صحيح منهم عايش حياة كلها تعب وشغل ومسؤلية في وقت المفروض يعيشو فيه مشاعر البراة والطفولة ولكنهم راضين بحالهم وحياتهم وفجاة ظهر الشيطان في صورة ملاك شخص غريب لا يعرفه أحد (سمسار الموت) أستطاع أن يغوي مجموعة كبيرة منهم بحلم السفرليحققو كل احلامهم ألتي تمنوها ولم تحقق في قريتهم بالسفر لأرض الـأحلام والجمال والمال

حتي هنا الوضع يوحي انها تجارة لسمسارة الهجرة والهروب لعالم الأحلام لكن الغريب أن يكون في وسط كل هؤلاء اطفال ميسورة الحال اغنياء مش محتاجين السفر ولا كتر المال والاغرب انك تعرف ان في منهم اطفال سافرت مع الشيطان بدون ما تدفع ولا مليم سألت نفسي طيب ليه وايه المصلحة؟

الاكثرغرابة ان يغوي سمسار الموت مجموعة من الأطفال بالتعليم وانو مش عايز فلوس مقابل السفر لكن هياخدهم عشان يعلمهم هنا ضوء نور جوا عقلي ظهرغيراتجاه تفكيري ظهرلي طريق جديد ازاي هجرة غيرشرعية بدون مقابل وكمان هيسفرهم عشان يكملو تعليمهم وكل ده بدون مقابل شئ غريب ومحير

تفتكرو نمشي في طريق الهجرة الغير شرعيه ولا نحول طريقنا لتجارة الاعضاء معلومة لفتت نظري الاطفال اخر ظهور لهم حسب رواية بعض الاهالي في الاسكندرية قبل صعودهم لاتوبيس المفروض هينقلهم للمركب اللي هيسافرو بيها وفجاة!!!!!

 كل شئ انقطع اختفو يعني لحد اللحظة دي كانو جوا اراضي مصر مركبوش البحرعقلي بيكتب سيناريوهات وسارح ورا خط سير مختلف رايح علي الحدود اما حدود مصر من ناحية السودان او سيناء والاتنين صحرا بيحصل فيها حجات كتير اوي يشيب لها الولدان منهم اما تجارة اعضاء وقتل ورمي في الصحرا او كامبات وسط الجبال والصحرا الدخل فيها مفقود والخارج ياقاتل يامقتول عبارة عن مصانع لصنع جيل جديد من الدواعش بيعتمد علي الاطفال اللي يقدرو يمسحو افكارهم ويسيطرو عليهم كليا بدون تعب او جدال اتمني تحليلاتي متكونش صح

اللي عايزة اقوله متسيبوش ولادكم فريسة لمافيا كبيرة اووووي مافيا متشعبة زي خيوط العنكبوت علموهم ان بلدنا مهما كان فيها عيوب او حتي ظلم بره الظلم والعيوب اكبر بكتير مهما كان الرزق قليل اوعي تسيب بلدك بطرق غير شرعية حبو ولادكم وعلموهم الانتماء عشان ميجيش اليوم اللي نندم في ونقول ياريت اللي جرا ماكان

‫#‏مها_نور‬