ثروت بديع
الميراث
……………….
كن قناعاً تبان قنوعا
كن باكياً كن ضحوكا
كن باسماً كن حزينا
كن هازراً كن رصينا
بان شجاعاً لو خنوعا
كن كما يريدون هم
إورث عنهم كل هم
إخنع واسمع الكلام
كل الكلام
إنزع م اللى بين ضلوعك
لو كان لسه فيك ضلوعا
أى دم
داهية تكون ف التفكير ضلوعا
عيب ياراجل ده كلام !!
ليه تفكر !!
ولمزاجك ليه تعكر !!
التفكير ده شغل غيرك
كله هم كله غم
ناوى تقرر مصيرك !!
والكبار يشتغلوا ايه !!
والإرادة ؟
يانهار اغبر !!!!
الإرادة عايزها ليه !!
طب وحياة حرمنا المصونا
الإرادة مالها لازمة
وبابا وماما دورهم ايه
غير يحلوا كل أزمة
راكبة راسهم نص جزمة
يحشروك جوه القناع
لجل تظهر الشجاع
البتاع
القناع
إختراع
إسمه مخزن الوجع
قوم ياجدع
همهم قوم انفضه
اللى واجعك ارفضه
وانسى همك
هم يالا وحياة أمك
خللى عيونك تفهمك
اطرد من جواك
البتاع و القناع
إلٌى لابس ألف أزمة
مدير قسم الادب والشعر
علا السنجري
