ثروت بديع
لما قال حباية الزتون
تسوى الف والف طلقة
واللى جوه القلب راشقة
دى حبات الكروم
مخلوطه بطلقتين رصاص
واللى سايل على القميص
دا حلو النبيت وروح البارود
لما وصانى وصية السلام
و قال الحق راجع راجع
مافيش مناص
قلت تخاريف بره الحدود
لما قاللى فتش ف المراجع
لما قاللى فتش ف التاريخ
قلت إتجنن و مات خلاص
أوأضغاث راجل عبيط
أو إوهام سكران غتيت
ولو كلامنا بلعربى الفصيح
تبقى روحه طلعت لا محيص
لو جنابه فى النزع الأخير
يبقى كلام سخيف لقيط
أو هزار غتيت رخيص
أنا عارف إنه ما يعرف م النضال
غير تلاوين المدام
و حفاضات العيال
واللف جوه قُطر الرغيف
والسؤال العضال
صاحبى اللى قضاها
ف حضن الكبت و مر السكات
جاب منين كل دا الكلام
دا البعيد كان عايش
على الوضع أخرس و صامت
وللا قال إلحق قبل الممات
أرمى لى شوية كلام
يتفشخروا بيها العيال
ويطالبوا فوراُ بالقصاص
لدم بابا الفذ الشهيد
واهى يا اما صابت
يإما راحت ف الحضيص
والجواب
صاحبى ف الأساس
كان اتشنكل ع الرصيف
وياريته كان اتنيل ومات
دول كانوا شوية إرتجاج
و اتهبب فاق و قام
وعاد من تانى
لنفس عمره السخيف
ويخرب بيت أم الصحاب
مدير قسم الادب والشعر
علا السنجري
