أسامة كمال: يا نشارك في صناعة بكرة.. يا نستناه يجيلنا وقت وزي ما هو عايز
سامح عبده
دعا الإعلامي أسامة كمال، الجميع للمشاركة في صناعة غد أفضل وقال ” يا نشارك في صناعة بكرة، يا نستنى بكرة يجيلنا وقت ما هو عايز وزي ما هو عايز
أضاف خلال برنامجه مساء dmc، إنه يتفق تماما مع المقولة الشهيرة “إن الحياة إختيارات”، في معظم الأمور، إلا في الأمور التي ولدنا بها، وقال أمامنا اختيارات، والانتظار غالباً من أصعب الأمور على الإنسان، مستشهدا بمقولة نجيب محفوظ “الانتظار محنة، في الانتظار تتمزق اعضاء الأنفس، في الانتظار يموت الزمن وهو يعي موته، والمستقبل يرتكز على مقدمات واضحة ولكنه يحمل نهايات متناقضة. فليعُب كل ملهوف من قدح القلق ما شاء.”
وقال موجها كلامه لجمهوره، “أدامك طريق صعب وشكله صعب وطريق تاني صعب وشكله سهل” الأولاني لازم تشقه بتعب ومغامرة والتاني بيغريك بالاستسهال عشان شكله السهل.. لو سقطت في إغراءات الطريق التاني، وقعدت إيدك على خدك مستني عدلك، اللي هييجي مش عدلك، لكن زي ما قال أديبنا العظيم “في الانتظار يموت الزمن وهو يعي موته”.. عايز تستنى خللي بالك من بكرة اللي جالك مش انت اللي رحتله.. اقعد واقلق وبراحتك خالص في انتظار بيموت فيه الزمن، وعشان جملة في الانتظار يموت الزمن، هاترجمها، موت يا حمار لحد ما ييجي العليق
