بقلم : نسرين محمد
الجزء التانى
ونكمل حكيتنا مع قرار السعاده ، لون حياتك بللون الي بتحبه ايوا اللون الي انت عاوزه متسمحش لحد يلون ويشخبط زى ماهو عاوز في لوحتك؛ اختار الناس الحلوة من جوه قبل بره؛ تعيش معاك وحواليك ورتب اولوياتك الناس الاقرب فلاقرب؛ أما أصحاب الفرشات العابثه والألوان الداكنه حاول تبعد عنهم قدر الإمكان ومتنساش تدعلهم ؛؛تدعلهم بجد لأنهم أكيد تعبانين ؛؛أما إذا كنت مبتلي والناس دى قريبه منك او بينك وبينهم رابط قوى زى صله رحم او أخوة او دم يبقي حط حد فاصل متخليش حد يتخطاه ؛متخليش حد يسرق روحك ولا يشوه جمالك الداخلي مهما كان حبك ليه وتعلقك بيه ؛؛وحط لمسه بفرشتك علي كل حاجه تقابلها؛؛ امشي ابتسم للناس خلي كلامك سكر خليك ((سكرى)) ممكن كلمه طيبه تغير حاجات كتير في يوم حد او في قرار مهم ؛؛ الغي الألوان الداكنه من بلتتك خلي اللوانك ديما مبهجه ليك ولغيرك ؛فرح نفسك بنفسك( انت غالي اوى على ربنا )كرمك واعزك وسخرلك كل الكون ده حواليك ؛؛ وانت ماشي في الدنيا اتفرج علي جميل صنعه اتفرج على لون السما ؛آملا صدرك بهوا الصبح ،طيب ايه رأيك في ريحه الهوا بعد المطر ؛ولا نسمه الهوا إلى بعد الفجر ؛ولا حضن دافئ من صاحب بتحبه كده لله فلله؛حاجات كتير كتير تخلينا سعدا وحيتنا كلها اللوان
الحياه بقا لونها بامبي 
?
? رئيس قسم هو وهى : داليا طه
