قصيده للشاعر /ابانوب تاوضروس
كتب : هاني بشاي
زي النهارده اتولدت
اللي قلبي حبها
معاها عيشت سنين
وكأني ما عشت قبلها
اللي سرقت قلبي
وانا ملكت قلبها
اللي مقدرش اعيش
ولا ليله في بعدها
اللي عايش علي وعدها
اتولدت علشان تكونلي
البنت اللي هكمل معاها
وحبيبتي اللي ليا
وياما قلبي اتمناها
زي انهاردة جات الدنيا
علشان تشيل عني
الانسانه اللي ليها شعري
وعلشانها بغني
اللي معاها عايش متهني
زي انهاردة كان حظي
انها تيجي الدنيا
واحسها مخلوقة علشاني
واحس عمري بعد ما ضاع
رجع من تاني استناني
واحس بدفا اللمه
بعد ما كنت وحداني
وبعد توهة حياتي
صبحت حياتي لاقياني
زي انهاردة كان ميلاد
البنت اللي انا حبيتها
وبعد سنين كتير
خلاص عيني شافتها
كل سنه وانتي معايا
ومعاكي سنين هنايا
كل سنه وانا معاكي
ياللي قلبي بيتمناكي
كل سنه وانتي في قلبي
كل سنه وانتي جنبي
كل سنه وانتي سبب فرحي
كل سنه وانتي بتطيبي جرحي
كل سنة وربي محافظ عليكي
كل سنه وانا ايدي ماسكة ايديكي
كل سنه وكل العمر ليكي
كل سنه وانا فاكرك مش ناسيكي
كل سنه وانتي معاكي الهنا
كل سنة وعمري معاكي اتبني
بعد ما كان مهدود
كل سنه وانا بعدي معاكي
كل الحواجز والسدود
كل سنه وانا لاقي عمري
بعد ما كان مفقود
كل سنه وانا عايش بالامل
بعد ما كان مش موجود
كل سنه وانا وياكي عايش
بعد ما كنت بموت
كل سنه وانا حلمي ليه صوت
بعد ما كان واخد علي السكوت
كل سنه
