أرض الانبيا
كلماتى/شيماء الهرميل
……………………………….
موسى كليم الله
تجلى ليه ربنا
على أرض سينا الطاهرة
كلم نبينا هنا
الله على التكريم وعظمة المنزلة
وفى قلب سينا الغاليه
حصلت كمان معجزة
انشق ليه البحر
سلامة ليه م الأذى
وهلك جنود فرعون الظالم الطاغية
سيدنا عيسى كمان
والعدرا خطو هنا
وباركها ابراهيم
سيدنا وأبو الأنبيا
ويوسف الصديق
لأرض سينا اهتدى
كانت ليه السكن
وهى طوق النجا
يعنى الأمان فى الأرض
كانت بدايته مصر
أرض السلام والأمن
ودا كلام ربنا..
