بقلم
ثروت بديع
———–
لسه قلبى قلب صغير
الصبحية كل مابصحى
افرك نومى من حواليا
ارسم كونى زي اللعبة
لسه انا بنعس كلى محبة
لسه بصحصح كلى محبة
انفض عنى تعب ومغبة
لسه روحى بتلعب عاشقة
للحرية
لسه قلبى بيكره أى أذية
للبشرية
لسه لما بزعل اعيط
ازعق اخبط
لسه خدودى بتقلب احمر
على وردية
لما اتخلبط
لسه بلف و اكفكف وشى
لما انا بغلط
لسه انا بغلط
ولما احل اللغز
لسه انا بفرح
وارقص اسقفف
لسه لما بود الغز
ازعل واندم
ويشيب شعرى
وينحنى ضهرى
وانام وانا محبط
لكن لما يهل الصبح
ارجع ازعق احب اتلخبط افرح اعيط
والاقى ساعتها حل اللغز
فى قلب الطفل
مدير قسم الادب والشعر
علا السنجري
