بقلم داليا طه
كلمه دعم مش شرط تكون كلمه تدل على الماده فقط لكن الدعم بيكون اكتر نفسي سواء دعمك لابنك لبنتك لزوجك لزوجتك لصديقتك لجارتك الدعم اما تكون تحضن حد وتطمنه انه انت جنبه وبتدعمه في ظروفه في الالامه في ابتلائه انك تطبطب عليه وتقوله حاسس بيك من غير ماتكلم كتير من الناس عندها رضا كامل بنصيبها في الحياه سواء مال سواء مرض سواء اولاد لكن في ناس في جميع انواع حياتها عندها ابتلاء ماينفعش اشتري الدوا وادى مريض الدوا وانا بشتكى من سعر الدوا او اديله الدوا وانا مكشر وتعيس وحتى لو انا حزينه عليه مابينلهوش ده لازم اضحك في وشه واطبط واسمع شكوته وانا صدري مرحب بكل الم ودمعه عنده من كل صرخه بيصرخها ومايسمعهاش غيره بيبقي الانسان راضي بنصيبه ومبتسم وبيحاول يخرج نفسه من كم الصراع والصراخ الداخلى اللى جواه وبيبص على عيون الناس اللى حواليه بيلاقيهم اللى فيهم الشفقه واللى فيهم الحزن واللى فيهم مش حاسس واللى بيحبطه اكتر دوروا على اللى حواليكم وادعموهم بنظره وابتسامه بطبطبه بحب بكلمه حلوه وبورده بسيطه ليهم غيروا مودهم حسسوهم انكم حاسين بيهم بالفعل مش كل العلاج دوا ساعات الادويه بتفشل قصاد كسره خاطر اجبروا خاطرهم بفسحه بخروجه بذكري بحاجه حلوه ليهم وبس
جبر الخواطر على الله اجبروا اللى حواليكم يجبركم الله من وسع
رئيس قسم هو وهي : داليا طه
