بقلم الخالة وداد…
العادات والتقاليد مش كلها صح ياولادي ولا كلها تبني المجتمع انما في منها الي قادر يهده ويزلزل كيانه.ودايما يعيني نشوف العادات دي مطبقة بس علي البنت ولازم تعبده وتقدسه كأنهم جايين بدين جديد واجب عليهم..
وبيبقي نتيجة ده كبت وامراض واضطرابات نفسية كتيييير اوي ولا حصر ليها.ونتيجة الكبت بيتولد الضغط والي بيسبب كوارث مجتمعية زي الانحرافات والعقوق والهروب وحاجات يمكن لاول مره نسمعها عنها ياولدي….
وده ليه!
لان مجتمعنا متخلف بالفطره مبقاش عارف يفرق بين الصح والغلط والمباح والحرام .بقي كل اهتمامه بس الناس وكلامهم وده هيقول وده هيعيد كما لو كان الناس هي الي خالقه وهي الي هتحاسب.
طالما مش هتعرفوا تربوا يحابيبي ولا هتعرفوا تخاووا اولادكم ايه لازمه الخلفة من اساسه؟!
يحابيبي الخلفة مش مسؤلية اكل وشرب ودوا والا كان بقي الحيوان احسن مننا .انما مسؤلية تربية سوية وقوية وخالية من اي اضطراب واي مرض
