ثروت بديع
……………
قررررب
السعد مجانى
الحزن بقى بفلوس
والفرح بقى ببلاش
لاحد بات تعبان
ولا حد بيعانى
و لاقلب بات مهموم
خلاااااص
الغش بات مذموم
و بنمدح الاخلاص
قرررب
قرب وصحى النوم
لاهدفنا بات مشنوق
و لا الوطن مقسوم
و مناخنا انسانى
أصحى وانسانى
التعب بقى ممنوع
والرحرة مشروع
لا الفقير هايجوع
ولا الغنى طماع
قررررب
الحزن بقى بفلوس
والفرح بقى ببلاش
ياللا تعالى يازووق
الدعوة مجانى
الكل خد واكتفى
مريضنا طاله الشفا
ونسينا ضرب القفا
قررررب
لا حقنا بيروح
ولا سرقوا منا الروح
ولا جبننا مفضوح
ولا قلوبنا يوم ترتاع
قررررب
اصحى يابكاش
أصحى يامهزوز
إصحى ياسى بتاع
أصحى يامتواكل
حبيبى بابا جابلك موز
م الصنف اللى يتاكل
مدير قسم الادب والشعر
علا السنجري
