ثروت بديع
…………………..
يوم قالوا له احلف
كان الفرج جاله
راح الجواب منى
لما لقيت غنمى
واحدة بتسألنى
التانية تاهت فين
واكل واعيش من فين
والجراب خاوى
والغراب لابيحدف
ولا مرة كان غاوى
وقاضى العيال ماله
بيشتكى حاله
والقرش كان ابيض
كيف السواد جاله
ويوم اقول احلب
الاقينى بحلب تور
اتارينى غريب اعمى
و لو العيون بللور
قالوا لى لو غزٌال
تغزل برجل حمار
ولو الزمان مندار
تصدح تقول موال
واهى موجة وتعدى
خايف من الجايات
أيام وتتقضى
فاكر ابوك يوم فات ؟؟
ولف السبع لفات !!
ابويا لو كان تعلب
كيف فناه الجوع !!
والصيد مهوش ممنوع
فى الهم عزيز مدعى
ف الفرح ذليل موجوع
وينتهى الموضوع
بسؤال من السؤالين
كام كانوا غنماتك
انا قلت كانوا اتنين
واحدة ضاعت منى
والتانية تاهت فين !!!!
مدير قسم الادب والشعر
علا السنجري
