مقدمة من / زيزي عامر
وقت التحضير / 20 دقيقة
وقت الخبز / 15 دقيقة
المقادير 
??????
?????? كيلو دقيق جميع الاستعمالات
كوب ونصف سمن دافي
معلقه كبيرة سكر
معلقه كبيرة خميرة
معلقه ينسون مطحون
رشه ملح
حاولي كوب حليب أو اكتر شويه
( الحشوه )
نصف كيلو عجوه ونفكها على النار بمعلقتين سمنة لحد لما تتطري.
(للوجه)
ربع كوب حليب ومعلقه نسكافيه بلاك
الطريقة ??????
?????? – طبق كبير ونزل فيه الدقيق ورشه الملح والينسون وننزل بالسمن الدافي عليهم ونقلب كويس الدقيق مع السمن حتى يصبح شكل حبيبات الرمل
– ننزل بالخميره والسكر واللبن الدافي ونعجن كويس جدا لحد لما العجينه تلم معاكي
– ندخلها فرن دافي لمده ساعه عشان تخمر وبعدين نجيب قطعة ونكورها زي الكوره ونحشيها بالعجوه ونقفلها كويس ونضغط عليها باليد بسيط ونمسح وشها باللبن ومعلقه نسكافيه بلاك وبالسكينه نمشي على وشها شرطتين
– نرصها في صاج ونتركها حوالي ربع ساعة تخمر لحد لما الفرن يسخن علي 200 درجه وندخلها تستوي وتاخد لون حلو
و الف هنا على قلوبكم يارب
مدير مطبخ سحر الحياة / نيفين منصور
