بقلم / علي حزين
أنت فاكر انك كده هترهبني
ولا فاكر انك كده هتهزمني
ولا فاكر انك كده هتكسرني
ولا فاكر انك كده هتخوفني
لا دانا مصر يا بني
وصدقني
مصر لا بتخاف ولا بتتهزم
ولا حد يقدر في يوم يكسرني
ولا بركع أبداً إلا للـ خلقني
واللي ما كنتش عارفني
روح إسأل عني
التاريخ يقولك أنا مين
أنا حضارة ملايين السنيين
أنا الأهرامات
أنا شنودة , أنا أمين
أنا مينا موحد القطرين
أنا الحسن والحسين
أنا صلاح الدين
أنا حطين ,
أنا أكتوبر
أنا بهية وياسين
وجريد النخل العالي
بيميل يرمي السلام
على الناس الطيبين
السمر الغلابة الشقيانين
في الغيطان والمزارع
وفي المصانع والشوارع
وعلي الجبهة أُسود
حاميين العرين
أنا مصر إبراهيم
ويوسف والكليم
وعيسي ومريم
والصادق الأمين
أنا مصر يا حسالة
يا خائنين
