سامح عبده
دافعت الإعلاميتان مفيدة شيحة ومنى عبدالغني، عن حق الأولاد في اختيار أصدقائهم. وقالت مفيدة: “زمان كان أهلنا بيتدخلوا في كل حاجة بنعملها، وكنا بنعمل اللي عايزينه من وراهم”.
وأضافت خلال حلقة اليوم السبت من برنامج “الستات ما يعرفوش يكدبوا”، عبر قناة “cbc سي بي سي”، أن التحكم في اختيار أصدقاء الأبناء مشكلة كبيرة، تأتي من اختلاف الأجيال، مشيرة إلى أنها مرت بنفس التجربة مع أهلها حين كانت صغيرة، لكن الجيل الحالي مختلف، مشيرة إلى أنها لو طلبت من ابنتها الابتعاد عن صاحبتها، ستقول لها: “روحي اشربي حاجة ساقعة، ومش من حقك”.
“ليه دلوقتي مانصاحبش أولادنا أحسن ما نعنفهم؟، مش حل أعمل خناقة كل يوم مع بنتي عشان أبعدها عن أصحابها”، تقول مفيدة.
وتابعت “لا أتدخل في اختيار أصدقاء ابنتي، لأنى ربيت كويس لكن براقب من بعيد، وبكلمها بهدوء بدون فرض رأي، بحسسها إني مابحبش البنت دي”.
من جانبها قالت الإعلامية والفنانة منى عبد الغني: “الجيل ده مختلف ومنفتح مينفعش نكبتهم لأنهم بيعندوا، الحل تصاحبي أولادك وتتابعي وتراقبي من بعيد وفي حدود، العند والعنف بيولد الكفر”.
وأوضحت أنها تصاحب ابنها، وتعرف منه من يصاحب، ولا تدخل في مشاجرات معه كي تبعد عنه أحد أصدقائه، لكنها تحاول تقديم صورة سلبية عن صديقه الذي لا يعجبه حتى يبتعد عنه من نفسه، وحين تحدث مشكلة تواجهه بتأنيب ضميره، لكن دون عنف أو صوت مرتفع.
ورفض ضيف البرنامج محمد طلعت، البالغ من العمر 25 عاما تدخل أهله في اختياراته، قائلاً “السيطرة على أصدقاء الأبناء صعب بسبب التفتح، لو ماما ضغطت عليا إني ماكلمش صاحبي هعمل نفسي سمعت الكلام، بس هعمل اللي أنا عايزه، ماينفعش أهلي يقولولي ماكلمش الشخص ده عشان وحش، لأن هيجي يوم أضطر اتعامل مع كل الأنواع”.
وقالت ندي عبد المجيد، ضيفة البرنامج: “حدود الأم التوجيه وليس الإجبار، ماينفعش ماما تحكم على صاحبتي باللبس أوشرب السجاير، بس ينفع تحكم عليها لو هتأذيني أنا شخصيا، مش عشان هي مختلفة يبقى هي واحدة مش كويسة، البنات مش اسطمبات وكلنا مش زي بعض، فيه واحدة صاحبتي مَش عاجبة مامتي وبتقوللي دي مَش زيك، بس هي أكتر واحدة جدعة جدا وبتقف جنبي”.
وقالت ميرنا محمود، ضيفة البرنامج “بدخل أهلي في كل حاجة، وبكتشف إن رأيهم بيطلع صح”.
وقال دكتور سيد سامي خاطر، الشاعر والكاتب المسرحي: “زمان كان فيه معايير، مثلا دخول البيت قبل الساعة 10، دلوقتي مافيش أهل بيقدروا يسيطروا سيطرة تامة”.
https://youtu.be/IYV_h0xX0WM
