كلمات/شيماء الهرميل
فى حياتى ياما قابلت وشوفت خلق كتير
شوفت اللى صاحب صاحبة واللى خيرة قليل
واللى بيسعى يجيب للناس حقوقها منين
واللى بيهوى الكدب مع إنه مالوش رجلين
وياما قابلت ناس وشوشها ملونين
يقولو بيحبوك ومعاها ميت يمين
واماتغيب عنهم تلاقيهم غدارين
وفيها ناس تانيه بجد مخلصين
ما تهونش عليهم ابداً العشرة ولو يومين
مع ان فيه غيرهم باعو عشرة سنين
فكر واختار وقرر من دول هتبقى مين ؟
هتكون قيمتك اخلاقك والا تكون مالتافهين ؟
اصل الحياة دوارة وكلة سلف ودين
واللى عملته النهارده هيرد لك بعدين
اعمل اللى انت عايزة كما تدين تدان
بس المهم تحدد قبل فوات الأوان
