بقلم الخال وداد
زي ما اتكلمنا ياولادي عن الشخصية المتزمتة فالشخصية الجريئة بارضو بيبقي عندها اضطراب نفسي…
يعني الست او الراجل الي تلاقيه متنح اوي في العين وانت بتتكلم وتحس انه مكتفك بنظراته لا عارف تبص يمين ولا شمال ولا واخد راحتك في الكلام.الشخصية دي بتقصد تكتف الشخص من المنظور ده يدخل عليك بفكره الاهتمام للمتحدث وهو عاوز اصلا يكتفك بالتثبيت عشان يوصلك انت الاهتمام فتبدأ تحكي عن أدق تفاصيلك نتيجة استشعارك بالأمان.
ده غير انه بيحاول يوقع الشخص في شباكه يعني لو ست زوجها مش بيديها اهتمام اثناء حديثهم وتيجي تلاقي واحد متنحلها بالأوي كده وقتها هتحس ان الشخص الغريب ده مقدرها فتبدأ تتجاذب معاه الحديث ساعات طويلة وده الي الشخص ده عاوزه ..
غير ان الشخصية المتنحة دي بتحاول تقرأ العيون وتدقق في تفاصيل الوجه بشكل بشع يحسسك انك في حاجة غريبة .شخصية غير مريحة اثناء التعامل بتبقي عاوز تفض الأعده وتقوم بالفعل!!!!
الصح في التواصل توزيع النظر علي الباقي الموجودين او توزيع النظر بين وقت والتاني للشخص مش أفضل متنح كده وكأني ببصبص للشخص وأسبله.
الشخصية ده اساسا بتعاني من ضعف الثقة بالنفس .بيمر عليها اوقات من كتر خوفها وخجلها من الناس انها عاوزه تعمل العكس فبتعمله غلط.او تبقي شخصية جريئة بزياده متعرفش فن التعامل مع الاخرين واتيكيت العلاقات الاجتماعيه
