بقلم : داليا طه
كان زمان الواحد بيطلع كل اللى جواه من غير احم ولا دستور ، مشاعرنا بريئه كانت بتطلع من غير حساب ، من غير تكاليف بنقول كل اللى حسينه .
سواء كانت مشاعر مجنونه ولاعقله ، كل احساس كنا بنقوله وسهل حتى لو اخدنا وقت في خروجه برانا ، بردوا بنقوله مشاعر حب اعجاب كره غضب حزن ، ملامحنا كانت بتعبر عن احساسنا .
بيبان من كلامنا من عيونا بتلمع لما تحب ويبان الدموع لو واقفه يبقي احنا في حزن ، ندمع ونضحك لو فرحانيين ، دقات قلبنا تتسمع قبل ظهورنا ، يوم اما تحب تحس ان بينك وبينه تخاطر .
تحسه انه عدى هنا فكر كده اكلم بالطريقه دى ، تشم ريحه برفانه في كل شئ حواليك ، تسرح في كلمته تضحك وهو مش موجود ، كلها مشاعر جميله واحساس حلو كلها براءه ، يقشعر جسمك وانت بتتذكر كلمه حب ، واﻵن كل المشاعر توقفت واتحصرت في وجه لايعرف المشاعر لاتعرف امتى فرحان ولازعلان ، بيحب ولابيكره ، بيحس ولا المشاعر اتوقفت ، عيونه منكسره لابتلمع من الحب والفرحه والدموع واقغه اخرها جوه العين لاباين الالم ولا السعاده توقف كل شئ ، توقف وبقي تعود وعشره ، بقي حياه متوقفه النبض ، مشاعرنا المتلاهفه قلت ، يمكن عقلنا وكبرنا ، ولا علشان مسؤليتنا كبرت و، واتصدمنا في امواج الحياه ، وبقي همنا نعيش وخلاص ونحاول نكون قدوه في كل شئ لاولادنا واللى حوالينا .
رئيس قسم هو وهي : داليا طه
