صائغ القوافي الشاعر
فهد بن عبدالله الصويغ
قالوا لي منها لا تقرب
تراك ما تتحمل هواها
إشلون ومن عيونها أغيب
وكل ما فيني صار يهواها
من نظرة صرت متكهرب
قلبي ماصار يعرف سواها
قلت خلوني يا ناس أجرب
لكن ذبحني اليوم غلاها
بسهام عينها علي تصوب
غرقتني في بحر ماها
عذبت قلبي الحنون الطيب
ياناس يا هوه ما أقساها
أنا اليوم بحبها متعذب
وهي بالغرور في مسراها
مقدر أقرب ولا أجنب
أشوف الموت لجل ألقاها
مدري تعاند ولا انا أتعيب
سبحان من بالزين علاها
ليتني سمعت وأنا طيب
قبل لا يصيبني رماها
كل ما اروح لطبيب يطبب
قال ربي يعينك على بلاها
اليوم يا ربع جيتكم ملهلب
يمكن تلاقون لي حل معاها
يا لايمي ليه بس مستعجب
ليتك تشوف لمحة خطاها
مدير قسم الادب والشعر
علا السنجري
