نصائح غالية من الخالة
بقلم الخالة وداد
دي طريقة مهمة وحلوة أوي ياولادي الحلوين م خلالها عالج حاجات كتيرة فيك أوي وبشكل ذاتي من غير مساعد
ودي بقي بتعتمد علي انك بتجلس وقدامك ةكرسي فاضي وبتتخيل بقي ان حد أعد علي الكرسي ده وبتعاتبه او بتكلمه أو بتقوله علي الي جواك لو انت مش عارف تواجه او تعاتب
وكمان تقدر تعملها لو مضايق من شخص او نفسك تتكلم في موضوع مع حد فخايف تغلط او تتحط في موضع محرج فبتحاول تتدرب مع نفسك الأول
يعني من الآخر كده يحبيبي انت وهي بتكلم نفسك الاول زي ما بتكلم نفسك في المراية وبتقول كل الي جواك ومحتاج تقوله ومحتاج حد يسمعك.مكن يكون علي الكرسي الخالي ده السلطة أب او أم او مديرك او ابنك او اي شخص خايف تواجهه او مش قادر تحكيله.
كمان لو عندك عرض مثلا المفروض هيتم قدام جمهور او شخصية مهمة فلو خايف تتلجلج وخايف تتوتر وتتلخبط تقدر تتخيل الخص المهم ده علي الكرسي وتخيل شكله بلبسه بنظراته وانفعالاته واهتمامه وانصاته ليك وحاول تتقمص الدور وتعيش الموقف قبل ما يحصل ..يعني من الآخر توقع الموقف بكل تفاصيله وتوقع الرد والانفعال والنتيجة وتوقع كمان أسوأ الاحتمالات علشان لما تتحط في الموقف يكون تأثيره عليك قليل وبالتالي تخرج بأقل الخسائر
