بقلم دكتورة / إيمان الريس
خلى دايما فى وصله زي الحبل كده
خلى دايما فى باب موارب يمكن الدخول لك منه
خلى دايما فى خط رجعه فى قراراتك لان مش كلها بتكون صح احنا مش ملاك من الاخر بنغلط كتير عشان نتعلم
خلى دايما فى رصيد من الموده والرحمة والعشرة الطيبة بينك وبين زوجك تغفر بيها أخطائك لانك مش معصوم
خلى دايما فى ذكري طيبة بينك وبين اولادك يفتكروهالكي لما تبعدي عنهم او حتى تقسي عليهم بسبب الضغوط زي رصيد كده
خلى دايما فى عمل صالح بينك وبين ربنا عز وجل صلة لا تنقطع لانك كده كده راجع اصلها اعملً بناخدها من بعض
خلى عداوتك وزعلك وبعدك عن الناس بحدود لانك مش هتقدر تستغنى عنهم
ولكن بحدود
يعني اعرف صحبك وعلم عليه المنافق بلاشً تتكلام معه النمام بلاشً تثق فيه اللي عند سوء نيه حدد علاقتك معه اللي بيفتن علي زميلته حتي في أتفه الاسباب ليس له امان كفاية السلام عليه
اللي اكلتي معهم عيش وملح واتكلاموا عنك ما ليس فيك ادعلهم لان ده مرض
بس كمان بلاشً تسيب حقك من الاخر
اه صحً كله عند ربنا بس خدي حقك صحً وعن حق عشان محدش هيشيل عنك احساس القهر والظلم والسكر والضغط
و العفو عند المقدرة لما يستطيع ودي قدرات وهبه من ربنا مش عندنا كلنا
الادب ليه ثمن وقلة الادب ليها عقاب لمن اساء الادب
اوعي تقوليً علي حد اصحابي من غير ماتشوفيهم وقت الخلف والمشاكل و المواقف بتفضح و تبين ياسلام. لو المشكلة مشتركة وياسلام لو مع زملاء جدد ومشترك فيهم اللي اسمهم أصحابك هتشوفي فعلا العجب
هتشوفي البدع وهتعرفي انهم مش اصحاب بس الزمان كفيل بيهم جد ا هات كرسي وشوية لأب واتفرجي هتشوفي اللي بتضحك في وشك وتاخذ كلامك تنقله بالنص هتشوفي اللي بتقول بتحبكً والكره في افعلها
ولسه هنتعلم من مدرسة الحياة
سيدنا معاوية رضى الله عنه كان بيقول
(( لو ان بينى وبين الناس شعرة ما قطعتها فلو شدوها لارخيتها ))
