هبه العسقلاني
مستشاره تربويه ولايف كوتش.
مستشاره تربويه ولايف كوتش.
انك تبقي لوحدك ده مش معناه انك تبقي وحيد ،،،، انك تبقي في حالك ده مش معناه انك تبقي اناني ،،، انك تبقي جواك فده مش معناه العزله ،،،، جربت تبقي جواك فتره طويله ،،، طب جربت ان تبقي جوه نفسك في أوقات معينه بشكل يومي منتظم ،،، طب جربت انك تبقي جواك اساساً،،، جربت تبقي مستقر جوه نفسك ،،، انك تحس بتقلك لما روحك ونفسك وعقلك ومشاعرك كلهم يبقوا مع بعض جوه جسمك وفِي حاله استقرار وهدوء واتصال كامل بين عقلك وروحك وجسمك في نفس اللحظه ،،،، طب جربت تعمل كل ده بقي وانت مع الناس ،،، لو مجربتش الإحساس ده انصحك تدرب نفسك عليه وتجربه ،،، انك تبقي في حاله استقرار وتوازن وكل اللي بيحصل براك هو حقيقي بره عنك ،،، مبياثرش علي اللي جوه في حاجه ،،، وانت جوه هيبقي صعب حاجه من بره تخترقك ،،، وانت جوه محدش هيرمى مشاعره جواك ،،، هيبقي صعب تتنرفز او تستفز ،،، وانت جوه الصوره هتبقي أوضح ،،، هتشوف الناس وكانهم جوه شاشه ،،، وانت جوه مش هتشترك مع حد في العاب نفسيه تسحبك وتشفّط طاقتك وتبعدك عن أهدافك في الحياه ،،،، واظن ان اهم ميزه بتاخدها وانت جوه نفسك انك بتتعلم مع الوقت تتونس بيها ،،، هتفهمها وهتعرفها ،،، هتبقي قريب اكتر من مشاعرك وقادر تعبر عنها ،،، هتقرب اكتر من افكارك وهتقدر تعدلها ،،، هتبقي قريب اكتر من نفسك وقادر تشوف مميزتها وتحبها ،،، هتحبها بجد وهتصونها بجد وهتعرف تكبرها وتهذبها ،،،وهتعرف كمان تقدرها وتديها حجمها الحقيقي من غير غرور ولا كبر ،،، وانت جوه نفسك هتعرف تقرب من الناس من غير ما تتشفط جواهم وبعدين تصحي من الغفله علي صدمات توجعك.
خليك جوه نفسك حتي وانت مع الناس ساعتها هتستمع بوجودهم وهتستمتع كمان وانت لوحدك ،، هتعيش حر اكتر ومرتاح اكتر.
وتذكر دائما لقد جئنا للدنيا فراداً وسنغادرها فراداً.
دمتم مستقرين وبنفوسك متونسين.
