مقدمة من شيف / نور جاب الله
وقت التحضير / 15 دقيقة
وقت الخبز / 40 دقيقة
المقادير :
5 بيضة بدرجة حرارة الغرفة
فانيليا
بشر 3 حبات من اليوسفي مع نصف عصير يوسفي
كوب سكر
كوب زيت لايت
نصف كوب حليب
3 كوب دقيق
ملعقة كبيرة بيكنج بودر
نصف ملعقة صغيرة ملح
الطريقة :
– قبل اى شيء نسخن الفرن على درجة 170
– نجيب القالب اللى ح نستخدمه لخبز الكيك وندهنه زبدة أو زيت ونبطنه بالدقيق
– فى الخلاط نقوم بخلط البيض مع السكر ثم الزيت وعصير اليوسفي والفانيليا – بالنسبة للحليب انا بحب دايما اخليه آخر حاجة عشان اظبط قوام الكيك لأن أوقات كتيير مبحطش الكمية كلها وعشان متسيلش منى
– بعد ما ضربناهم مع بعض ننزلهم فى وعاء ونبدأ ننزل بالدقيق المخلوط بالبيكنج بودر والملح تدريجيا ونخلطهم بالسبيتولا من تحت لفوق لغاية ما تخلص الكمية خالص ونظبط بقي بالحليب
– نصب خليط الكيك فى القالب وعلى الفرن لمدة 40 دقيقة تقريبا .. ونختبر التسوية بعد نصف ساعة بخلة أسنان من المنتصف ونعمل فتحات بسيطة .. ولو الخلة فى النهاية خرجت نضيفة يبقي تمام ..
– نخرج القالب ونقلبه على رف سلك حتى تبرد تمام
– تزين بصوص الشيكولاتة والكراميل أو زى ما تحبي دى حاجة ترجع لذوقك
و الف هنا على قلوبكم يارب
مدير مطبخ سحر الحياة / نيفين منصور
