مقدمة من / سلوى نبيل
وقت التحضير / 15 دقيقة
وقت الطهي / 15 دقيقة
المقادير :
فراخ صدور متقطعه طوليا
كوبايه دقيق
بهارات فراخ ..بابريكا …توم بودر …بصل بودر …كزبره ناشفه …كاري … معلقه خل …نص لمونه وطبعا ملح وفلفل
ميه
الطريقه :
– نعمل خليط البهارات و الدقيق حنحط الدقيق والميه والبهارات كلها على بعض ونحلي الخليط تقيل مش سايل
– حتحط الفراخ فيه ونسيبها ساعتين .
– نجيب كيس نطيف ونحط كوبايه ونص دقيق ونحط عليهم نفس البهارات اللي حطينها في الخليط
– وناخد شويه من الدقيق ده تقريبا ٣ معالق في طبق خارجي ونرش عليهم شويه ميه بسيطه نخلي الدقيق مفتت حتت صغيره ونحطه على الدقيق تاني
– نحضر طاسه فيها زيت غزير وناخد من الفراخ نحطها في كيس الدقيق وعلى الطاسه علطول عشان متعجنش مننا .
و الف هنا على قلوبكم يارب
مدير مطبخ سحر الحياة / نيفين منصور
