شيرين محمد مدربة تربية إيجابيه معتمده من مؤسسة التربية الايجابيه الامريكيه
الطفل اللي كان اهلو بيتجاهلوا مشاعره وهو صغير و مدربهوش يعبر عن مشاعره وحسسوه ان مشاعره دي حاجه مش طبيعيه ومينفعش يعبر عنها عشان منضايقش اللي قصادنا ووقت الغضب مفروض هو يتحكم في نفسه ويعزلوه لغايه لما يهدي لوحده هو مش بيهدي هو بيكتم غضبه عشان ميضايقش اللي قصاده وبيظهر بعد كده الغضب ده في انه يحاول ينتقم من اللي قدامه بس عن طريق بقي ان يحسس اللي قدامه ان ملوش لازمه ولا قيمةاو انه ميعملوش حاجه او يستفزه ولما الطفل ده يكبر ويتجوز هيمارس نفس الالم اللي كان بيحس بيه وهو صغير علي مراته واولاده بنفس الطريقه انه يتجاهل اللي قصاده وينعزل عنه و يحسسه بالذنب ….وتفضل دائره الالم والتعذيب النفسي والتجاهل متوارثه من جيل لجيل ….. الطفل اللي بيشوف ابوه بيضرب امه وبيهينها بيكبر ويضرب مراته ويهينها ونفضل كده دائره الم لاتنتهي …. طيب تآثير بقي الخلافات الزوجية ايه علي الطفل خد عندك … تبول لا ارادي …. افتقاد الطفل الاحساس بالامان المتمثل في الاب والام …. قرقضة اظافر …مص اصابع … نوبات صراخ وعياط …. سرحان وعدم القدره علي التركيز … ارق وكوابيس … عنف و عدوانيه لكل اب وام لو مش قادرين نتواصل يبقي الانفصال احسن بلاش نحرق دم بعض هو قرار صعب بس هيبقي افضل للطفل انه يعيش مع والدين منفصلين وبينهم احترام …. احسن من والدين متزوجين وكل واحد عمال يجلد الثاني وقفوا دائره الالم لإن كثرة الخلافات الزوجية بتخلي الطفل يحس بعد الامان وعدم الاستقرار …. بتخلي الطفل يحس بعدم الشعور بالانتماء للبيت والاهمية في حياتهم ويبدأ يدور علي الامان خارج البيت ويبقي عرضة لانه يروح مع اي حد هيشعره بالامان اللي مفتقده داخل البيت
دمتم إيجابين
رئيس قسم انت الحياه: داليا طه
