كتبت : نسرين محمد
الفترة الاخيره بقى في حاله كده مسيطرة علينا وعلي ناس عزيزين علي قلوبنا ؛كتير مننا بيعانى من عدم تقدير لمشاعره أو لمجهوده المبذول حاله كده بتصيب الإنسان بلاحباط والخزلان ، طيب تعالو كده نتصالح مع نفسنا الاول ونحبها ،تعالو نقدرها احنا صح ونداوى جراحها سواء جراح في الطفوله من حرمان من حب او تدليل من الوالدين أو أي إيذاء نفسي أو ضغط تعرضنا له، انت بس الوحيد الي عارف جراحك وانت بردو الي قادر تداويها، اولا الاستعانه بالله ثم التخطى ايوا تخطى الالم ،يعنى اتكلم مع نفسك قولها انك ملكيش ذنب في اي حاجه حصلت طبطب عليها متحملهاش فوق طاقتها وتجلدها،حاول تلتمس العذر للوالدين الي حاولوا علي اد ما قدروا ،وقف مشاعر اللوم والإحباط سواء لنفسك او لغيرك لان في الاخر انت انسان وهما بشر بنخطء ونصيب ،سامح اقرب الناس واعفو لسلامه قلبك اولا ثم راحه بالك، اعلي بروحك للسما غذيها واقويها بالله ،اذاى تطلب الدعم والكمال من بشر ضعيفه زيها زيك ،خلي في باب ديما مفتوح بينك وبين ربك، وخليك علي يقين انك قوى وهتبقي اقوى بالله، بس كمان اكبر واتعلم من اللي فات وقف أي إيذاء من اى حد اتعلم تقول لا ،اتعلم تقول كفايه ،اتعلم تقول مش من حقك تاذيني ،بس اتعلم تقولها امتى وازاى ، امتى ؟قبل ما تبهت روحك وقبل متروح معالمك وقبل ما الالم يخليك مسخ ،ازاى ؟بنفس قوة الي ادامك أو اعلي كمان لازم يفهم انى مس مسموحلك تاذيني ،مش مسموحلك تتخطى حدودك مهما كان قريب أو عزيز ،حب نفسك بجد اعلي بيها للسما،قدرها قدر الطاقات والنعم الي جواك انت مفيش حد زيك ولا يعرف يعمل الي انت قادر تديه وتعمله ،متسمحش لبشر مش كامل لان دى طبيعه البشر يتعبك ولا يجرحك انت قادر وعارف نقاط قوتك ،انجح وحقق ذاتك وده اكبر نصر ليك والي بيحبك واكبر خزلان للي قاصد يأذيك أو يقلل منك ،افرح وعيش وحب نفسك بجد اعلي بيها وزكيها ووقف اى حد مش من حقه يعكر صفوك ويوقف طاقاتك الي صدقنى ملهاش حدود ،خلي عندك قناعه انا مفيش حد زى انا من صنع الخالق الي كرمنى وأبدع في خلقي
دمتم اقوياء دمتم محققين نفسكم بالله .
رئيس قسم هو وهي: داليا طه
