مقدمة من / مروة كمال
وقت التحضير / 15 دقيقة
وقت الطهي / 20 دقيقة
المقادير :
ستيك شرائح
ملح
فلفل
بصلة مفرومة ناعم
الحشو :
جزر مبشور
موزاريلا
فلفل الوان
للسلق :
بصل وجزر وطماطم مقطعين وملح وبهار وورق لوري وحبهان وقرنفل وروز ماري
الطريقه :
– هنجيب شرائح بفتيك ندقها كويس عشان تكون رفيعه
– نتبلها بملح وفلفل وبصل مبشور بس
– نسيبها في التلاجه ليله
– هنفرد شرائح للحمه ونضع فيها جبنه موتزاريلا وجزر مبشور وفلفل الوان مقطع صوابع رفيعه
ونلفها رول ونلف عليها بلاستيك فيلم ونلفهم مره تانيه بورق فويل ونقفل الفويل من الجانبين زي البونبوني
– هنسلقها في ميه مغليه فيها بصل وجزر وطماطم مقطعين وملح وبهار وورق لوري وحبهان وقرنفل وروز ماري
لمده نص ساعه
– هنفك الفويل والبلاستيك
نجهز الصوص :
الصوص :
– معلقه زبده ومعلقه زيت نشوح فيهم بصله مقطعه مكعبات صغيره
لحد ما تدبل نضيف مشروم ونشوح
– هنضيف معلقه دقيق ونشوح ثم نضيف شوربه ونقلب ولما يغلوا نضيف كريمه لباني
– هنسيبه يغلي شويه هنضيف رولات اللحمه ونسيبهم شويه علي النار لحد ما يتخن الصوص شويه ونقدمه
ملحوظة :
(ممكن بدل الدقيق والشوربه نستخدم صوص الديمي جلاس الجاهز هو بيتباع في السوبر ماركت في اكياس عباره عن بودر بيتدوبفي كوبايتين ميه ونحطهم يغلوا علي النار لحد ما يتخن شويه ويقصر)
انا قدمته مع رز بسمتي بالخضار :
مقاديره :
– بصله مقطعه صغير شوحتها مع قرفه خشب وحبهان وقرنفل وورق لوري وكركم وقرفه بودر
وبعد كده ضيفت شوربه ولما غليت
– حطيت بسله وجزر(يفضل يكونوا فروزن عشان بيكونوا نص سوي ويكملوا سواهم مع الرز)
– نضيف الرز البسمتي اللي كنا ناقعينه في ميه وملح لمده نص ساعه علي الاقل
ونسيبه يغلي لحد ما يبدأ الرز يتشرب نهدي النار
و الف هنا على قلوبكم يارب
مدير مطبخ سحر الحياة / نيفين منصور
