صائغ القوافي الشاعر
فهد بن عبدالله الصويغ
لا تعتذر أبد يوم لا تعتذر
ماعاد يفيد معي أبد إعتذارك
موتني أيام وشهور من القهر
واليوم جاي تكمل علي حصارك
ايش يفيد من بعد خطاك الندم
ايش يفيد وحياتي معاك ألم
كل دنيتي أسودت بوجهي
وكل صرح بنيته لك إنهدم
خل إعتذارك معاك ماعاد يفيد
حبك لي كان هلاك وانت سعيد
ما قدرت قلبي اللي لك هديته
اللي قطعت عنه حبل الوريد
انا من يعتذر لك وأقول أسف
ما عاد يفيد إعتذار لقلب تالف
نار شبيتها بروحك إنت تطفيها
وطايح السما مايطيح واقف
خلك بعيد عني تراه أزين لك
بعد الغدر البعد لك افضلك
لا تجيني ولا تنتظر يوم أجيك
خلك مكانك وصلني فضلك
تدري الغدر أبد ما أحبه
وانت غدرتني وطلعت خاين
خنت قلبي وكنت دوم تلعبه
ولا حسافه على قلب متهاون
عطيتك الروح وملكتك قليبي
رميته على جمر الغضا ونسيته
كنت أحسبك للقلب انك حبيبي
لين صادف ببحر الغدر لقيته
لا تعتذر ترى ما يفيد إعتذارك
قلبي بخنجر مسموم ذبحته
من اليوم مساري غير مسارك
وكل ذكر لك بقلبي مسحته
7-2-2018
