بقلم : رانيا حجازي
–
اعوذ بك ..
من الشْر اللي فى حياتي
ومن خير مِش ناوي يبقى آتي
اعوُذ بِك من الوِحده ووجعهَا
واني اكون واحده
ماسكْهَ في اللىِ باعهَا
ومِن حنين راضي بذُل الحبيب
واعوذ بِك اني امسِك
فىِ إيِد حَد بيسيب
ومن غُربة النصيب
اعوذ بك من النِفاقْ
وشْر نفسي لما اشتاقْ
اعوُذ بك من غياب حد مش راجع
ومن حُب الحياه من غير اى دافع
وغفرانك من ذنبْ مُش عارفه
اتوبه من يوم ما اذنبتُه
ومن حد كان ماسِك فى احبالي
وغصْبّ وقعتُه… /
وغفرانك من وَعد خَلفتـه..
ومن حد سبتُه فــ وجعتـُه.. /
ومن حد إتمسِك للأخر بالرغم انىِ وَدعتُه .
