كتبت جيهان عوض
أنا مش ملاك… ولا احنا ف زمن المعجزات
أحزن ساعات،أفرح ساعات،أغضب ساعات،ماانا انسان بكل الإحتمالات
طيب أوي… .لكن بشيل م الناس ساعات
ومانيش نبي… أمحي الخطايا والسيئات
انسان سوي… لكن مليان قلبي آهات
ومانيش قوي… بقابل جرحي بالسُكات
برئ نقي…ميخصنيش مين قلبه مات
مخلص وفي…حتى مع اللي خان الذكريات
مش مُدعي …ولا راسم لروحي سِمات
أوقات شقي…… ومش معصوم من الزلات
بحلم أكون ف يوم تقي…واجاهد نفسي بالثبات
بحلم أسيب أثر بقي….بصمة تهون اللي فات
منايا جنة العلي… منايا رفقة النبي
نهاية تُجبر قلبي الصفي
دُعَايا خير الأمنيات..
