مقدمة من شيف / أشرف عبد الهادي
مده التحضير/ 20 دقيقه
مده السواء / 10 دقائق
الحشووالفنش / 20 دقيقه
له مقادير كتير منها بياخد زيت ومنها بياخد بيكن بودر
اسهلهم واوفرهم هذه الطريقة
المقادير :
13 بيضه
2 باكو فانيليا
250 جرام سكرخشن
180 جرام دقيق ابيض
90 جرام كورن فلور ( نشا )
– يتم ضرب البيض والسكر والفانيليا بالمضرب الكهربائي ( العجان بالمضرب السلك ) او بواسطه المضرب الكهربائي اليدوي علي السرعه العاليه حتي يرتفع ويثقل ويعلو جيدا
– نضع الدقيق مع النشا ونقلبهم مع بعض ( الدقيق والنشا فقط ) وننخلهم
جيدا ثم نشغل العجان علي اقل سرعه وننزل بالدقيق واحده واحده او نقلب الدقيق علي الخليط السابق بواسطه معلقه او يدوي من تحت لفوق وبشكل دائري في اتجاه واحد حتي لايهبط الخليط
– في صاج مفروش ورقه زبده يصب الخليط ارتفاع نصف سنتي
– ويفرد باسباتول ندخله الفرن علي درجه 210 مئويه لمده 10 دقائق حتي ياخذ اللون الذهبي يخرج ويبرد ويوضع في الثلاجه لحين لفه وحشوه وتفنيشه
*** ملحوظه مهمه لضمان نجاحه وعدم هبوطه :
1 / البيض بدرجه حراره الغرفه
2/ لايقلب كثيرا عند وضع الدقيق فقط حتي التجانس
3/ يجب تسخين الفرن قبل دخوله ولا يفتح الفرن اثناء السواء
4/ في حاله السوسرول البني يرفع 40 جرام دقيق ويوضع مكانه 40 جرام كاكاو خام
5 / بعد الحشو وقبل تقطيعه يفضل ان يكون بالفريزر
يفرد بعد تقشير الوش باليد ويلف علي ورق الزبده ويضغط عليه جيدا بمستره
ممكن حشوه بالمربى او الجناش او شوكولاته نوتيلا او اي نوع كريمه شانتيه ساده او باطعمه مختلفه مثل الفراوله او المانجا او الموكا او كريمه زبده
الفنش :
كريمه او مكسرات او جوز هند او فاكهه او سكر بدره او شوكولاته سايحه بالوانها او يجلس جناش سايل كل حسب زوقك
و الف هنا على قلوبكم يارب
مدير مطبخ سحر الحياة / نيفين منصور
