او أنا مسمياها مقلوبة مش مقلوبة
مقدمة من / أمل رامي
وقت التحضير / 15 دقيقة
وقت الطهي / 20 دقيقة
المقادير :
كيلو شيش طاووق.
كيلو بتنجان رومى.
بصلة كبيرة مقطعة مكعبات صغيرة.
2طماطم كبيرة مقطعة مكعبات صغيرة.
2كوب رز بسمتى او مصرى.
4فصوص كبيرة توم شرايح.
فلفل حامى مقفول.
ملح وفلفل وقرفة خشب وحبهان وورق لورى.
قرنفل ولومى و مكعب مرقة.
قرفة بودر ورشة سكر.
خل وليمون.
الطريقة :
1• نتبل الفراخ بملح وفلفل وليمون وخل.
2• بنحمر الفراخ كويس فى الحلةولما تاخد لون حلو نطلعها فى طبق برة.
3• نضيف البصل مكان تحمير الفراخ مع رشة ملح وفلفل ومكعب مرقة ونوطى النار خالص
ونضيف كل البهارات الصحيحة ونقلب كويس ولما نكهة الفراخ تطلع من الحلة وريحة البهارات تطلع .
4• نضيف الطماطم ونقلب كويس والرز والتوم
ونتبل ملح وفلفل ورشة سكر وذرة قرفة بودر.
ونقلب بشويش ونضيف الفلفل الحار والماية المغلية.
5• لما الرز يشرب الماية نضيف البتنجان ونقلب
والفراخ عالوش ونوطى النار خالص علشان تستوى.
و الف هنا على قلوبكم يارب
مدير مطبخ سحر الحياة / نيفين منصور
