بقلمي
نجلاء فتحي عزب
وكل يوم أقوم
وأصحى على أمل
ألاقيك من جديد
أقولك صباح الخير
واسمعها منك صباح الخير
لا صباح ورد
ولا فل ولا ياسمين
كان صباح كله خير
وكله أمل وحنين
صباح كان بياخدني
لسكة طويلة للأحلام
صباح كله دفا
وخير وسلام
صباح منك بكل صباح
الدنيا والعالم والأيام
صباح من يومها
لا سمعته ولا طنت
في أذني أحلى كلام
صباحي حاير وطاير
يوصلك في أي مكان
صباح أحلى أيامنا
وكلامنا بكل حنان
صباح لو جاني
هيحيني ويرضيني
ماتبخلشي على انسان
دا كل غيابك مابيطول
بقول بكره هيرجع لي
ويرجعلي أحلى ايام
عشتها مع اجمل روح
بتسكنني وبتخليني
أعيش واصحى بلا أحزان
صباحي ليك يقويك
على جرحك على
هجرك على الخزلان
صباحك غالي ياغالي
ولو كنت انا غالية
ترد صباحي وترجع تاني
الفرحة في قلبي الحزين
لأغلى ذكرى ولاغلى بشر
عالارض كان
ولسه طيفه
بيزورني في الأحلام
ببعت سلامي
يوصله وبقوله
ياريت ماكنت
عرفتك من أصله
ولاكان جرى اللى كان ..
صباحك أمان
يا أغلى قلب
وأجمل ذكرى
وأروع انسان
أهداه الزمان
مدير قسم الأدب و الشعر
علا السنجري
