اللوحة للفنانة
أمل النحراوي
شعر
هشام نوح
وكتير احلامى خذلتنى
وهزتنى ف ريح اعصار
وعزتنى ف اخزانى
وعمر … انكسار
وذلتنى بأخلاصى…
وعاصى قلبى …
ف الهوى ازهار
وجزتنى من شراينى
وشريان المريد صبار
واحتارت اكون …
ف الحلم نبى
ولا قاطع ….
رقاب جزار
وزفتنى ف ….
ليل الشتا ….
ع الرصيف
والبرد مشوار
وزرعتنى ورد
ف طين غيرى
والنوى دار
على دارى
مدار الشوك
والشوق جار
على قلبى
وبات قلب
الولد ناااار
كتير احلامى خذلتنى
وهزتنى ف
ريح اعصار
مدير قسم الأدب و الشعر
علا السنجري
