أشرف صالح
وحياة عيونك الطيبين
وحضنك اللي ساع الكون
وحياة دعاكي يا طيبه
ساعة صلاة الفجر
والحياة ف سكون
وحشتيني
مطرح م انا
لحد أخر مد شوفك
عارفه يا امه من يوم م سبتك
ودموع عنيكي لسه شبطانه ف قميصي
كل يوم ف الغربه عدا
لام عليا بعدي عنك
حزن قلبي بحر جارف
يملا كل الكون رسايل
يا امه …. تعيشي
تعيشي لينا
تعيشي فينا
تعيشي بينا
دا احنا من غيرك مفيش
زي الهوا
يدوب شهيق وزفير
ارجوكي يا امه
ارجوكي متسبنيش
ارجوكي متسبنيش
ارجوكي متسبنيش!
مدير قسم الأدب و الشعر
علا السنجري
