شيرين محمد مدربة تربية إيجابية معتمدة من مؤسسة التربية الايجابية الامريكية
التربية الإيجابية مدرسة من مدارس التربية قائمة علي فلسفة ادلر…. الفريد ادلر( ١٨٧٠-١٩٣٧)كان طبيبا نمساوي كان متخصص في العيون و طبيب أعصاب و بعد كده تخصص في الطب النفسي و كان بيرفض استخدام الادوية في علاج المرضي و عندما يذهب له احد المرضي النفسين كان يقول لهم عليهم بفعل الخير( ان يقوم بعمل خير زي انه يساعد حد محتاج وان الخير اللي عملة ده هيعود علية نفسيا )
..الفريد ادلر هو مؤسس علم النفس الفردي و كان تلميذ لفرويد بس انشق عنه وكان يري ان اللي بيحرك الانسان هدف ماوراء السلوك وانه يشعر بالانتماء والاهمية “انه بيعمل سلوك معين عشان هدفة الشعور بالانتماء و الاهمية” يعني ايه الانتماء يعني يحس انه جزء من الكيان جزء من العيله ومن البيت و معني الاهميه انه يحس انه مؤثر في حياتهم وله رأيه و طبعا ده علي عكس نظرية فرويد
إقرأ أيضا
نظرية فرويد :
كان بيشوف ان اللي بيتحكم في سلوك الانسان هو غريزه الخوف او أنه عايز مكافأة معينة و العوامل الخارجية هي اللي بتخلي سلوكة كويس و كان يري فرويد ان العلاقات بين الناس علاقات رأسيه يعني وجود طبقتين في المجتمع … سيد وعبيد … امينه وسي السيد … اغنياء وفقرا … حاكم ومحكومين … رئيس ومرؤسين
طبعا ده علي عكس فلسفة ادلر اللي كان يري أن العلاقات بين الناس علاقات افقية و الناس كلها علي قدر المساواه وده هيخلق تواصل بين الناس ويبقي فيه مرونة في التعامل وتشجيع و قبول الاختلافات بين البشر…. العلاقات الافقية تهدف ان الكل سواسيه فالكل مستحق للكرامة والاحترام
إقرأ المزيد
وطبعا من مدارس فرويد مدرسة الثواب والعقاب لكن من عيوب المدرسة دي انها سببت مشاكل نفسية كتير للاطفال ظهرت علي المدي البعيد ..بيحصل مشاكل نفسية كتير جدا بسبب العقاب.. الطفل بيعمل الحاجة اللي مطلوبة منة عشان خايف من العقاب او منتظر الثواب مستني مكافأه علي اللي هو عملة …..لكن هو اتعلم حاجة عن المهارات الحياتية ؟!!.. لا … اتعلم حاجة عن مهارة ادارة الغضب ؟!! .. لا … اتعلم حاجة عن مهارة حل المشكلات؟!! .. لا
العقاب لا يعلم مهارة
ادلر ركز علي إلغاء فكر المنافسة و المقارنات.. كام واحد فينا عانى من مقارنته مع إخواتة أو أصحابة ؟!!
وده اكيد اثر بالسلب علينا .
دمتم إيجابين
